ইস্তানবুল আন্তঃৰাষ্ট্ৰীয় চুটি চলচিত্ৰ প্ৰতিযোগিতাত অসমীয়া চুটি ছবি ‘অনীহা’ৰ বাবে যোৰহাটৰ পূৰৱ শৰ্মালৈ শ্ৰেষ্ঠ চিনেমাট’গ্ৰাফাৰৰ সন্মান

যোৰহাটৰ স্প্ৰিং ডেল হাই স্কুলৰ দশম শ্ৰেণীৰ ছাত্ৰ  পূৰৱ৷ এন জে প্ৰডাকচনৰ বেনাৰত নয়নজ্যোতি শৰ্মাই প্ৰযোজনা কৰা চুটি চলচ্চিত্ৰ ‘অনীহা’ই ইতিমধ্যেই  ৰাষ্ট্ৰীয় আৰু আন্তঃৰাষ্ট্ৰীয় পৰ্য্যায়ৰ প্ৰতিযোগিতাত কেইবাটাও পুৰষ্কাৰ বুটলিবলৈ সক্ষম হৈছে৷  নৱেম্বৰ মাহৰ ৬,৭ আৰু ৮ তাৰিখে  বেংগালুৰুত অনুষ্ঠিত হ’ব লগীয়া ৰাষ্ট্ৰীয় চুটি ছবি মহোৎসৱত ‘অনীহা’ই ইতিমধ্যে নটা শিতানত মনোনয়ন লাভ কৰিছে ৷ অহা ৭ নৱেম্বৰত অনুষ্ঠিত হ’ব লগীয়া  মূল বঁটা প্ৰদান অনুষ্ঠানলৈ প্ৰযোজকে বিশেষ নিমন্ত্ৰণ লাভ কৰিছে আৰু উক্ত অনুষ্ঠানত তেওঁ উপস্থিত  থাকিব বুলি  সংবাদ মাধ্যমক জানিবলৈ দিছে৷

২০২১ বৰ্ষৰ ৫জুনত বিশ্ব পৰিবেশ দিৱসৰ  দিনা মুক্তি পোৱা ছবিখনৰ কাহিনী আৰু পৰিচালনা  পূৰৱ শৰ্মা আৰু মৃগাংক মাইনাৰ৷ চিনেমাট’গ্ৰাফী আৰু ড্ৰ’ন পৰিচালনা পূৰৱৰ৷চিনেমাখনৰ সংগীত কৰিছে  মুম্বাইৰ  সপোন শইকীয়া আৰু সহযোগী পায়েল শৰ্মা৷

সাম্প্ৰতিক সময়ৰ স’তে খাপ খোৱা পৰিবেশ বিষয়ক বাস্তৱধৰ্মী ছবিখনত অভিনয় কৰিছে মানৱেন্দ্ৰ শৰ্মা,চন্দন ঠাকুৰ,বিনোদ গগৈ,পাৰ্থ প্ৰতীম শৰ্মা আৰু আশাতৰা শৰ্মাই৷