বলিউডৰ অন্যতম জনপ্ৰিয় হিন্দী চিনেমাসমূহৰ যদি আমি নাম ল’বলগীয়া হয় , তেনেহ’লে হেৰাফেৰী নামৰ হাস্যমধুৰ ছবিখনৰ কথা ক’বই লাগিব ৷ অক্ষয় কুমাৰ, সুনীল ছেট্টী আৰু পৰেশ ৰাৱালৰ অভিনয়েৰে এই ছবিখনক অনন্য কৰি তুলিছিল ৷ ইতিমধ্যে ইয়াৰ ফিৰ হেৰাফেৰী আৰু হেৰাফেৰী ২ নামেৰে দুখন ছিকুৱেল নির্মাণ কৰা হৈছে ৷ আটাইকেউখন ছবিয়েই দর্শকৰ পৰা সমাদৰ লাভ কৰিবলৈ সক্ষম হৈছে ৷ দর্শকসকলৰ বাবে আছে এটা সুখবৰ ৷ সেয়া হৈছে হেৰাফেৰীৰ আন এখন ছিকুৱেল নির্মাণ কৰা হ’ব ৷ এইবাৰ নির্মাণ হ’ব হেৰাফেৰী ৩ ৷
ফিৰোজ নাদিয়াদৱালাই পৰৱৰ্তী হেৰা ফেৰী ছবিত ৰাজুৰ বহু প্ৰিয় চৰিত্ৰত অভিনয় কৰিবলৈ কাৰ্তিক আৰিয়ানক চুক্তিবদ্ধ কৰিছে ৷ শীঘ্ৰে ইয়াৰ আনুষ্ঠানিক ঘোষণা কৰা হ’ব ৷ অক্ষয় কুমাৰে অভিনয় কৰা ৰাজুৰ আইকনিক চৰিত্ৰত অভিনয় কৰিবলৈ স্বাক্ষৰ কৰিছে কাৰ্তিক আৰ্য্যই। কাৰ্তিক আৰিয়ান আৰু ফিৰোজ নাদিয়াদৱালা দুয়োজনেই পৰিচালক হিচাপে আনীছ বাজমীক চুক্তিবদ্ধ কৰিবলৈ আগ্ৰহী ৷ পূৰ্বৰ দুখন ছবিত শ্যাম আৰু বাবুৰাওৰ চৰিত্ৰত অভিনয় কৰা সুনীল ছেট্টী আৰু পৰেশ ৰাৱালে পুনৰ নিজৰ চৰিত্ৰত অভিনয় কৰিব ৷
হেৰা ফেৰীৰ পৰিচালক হিচাপে একাধিক নাম চর্চালৈ আহিছে ৷ পূর্বৰ ধাৰা অক্ষুন্নতা ৰাখি ৰাজুৰ চৰিত্ৰক লৈ ইয়াৰ কাহিনী প্ৰস্তুত কৰাৰ সম্বাৱনা আছে ৷ অৱশ্যে আনুষ্ঠানিক ঘোষণা কৰিলেহে ইয়াৰ সৱিশেষ তথ্য পৌৰলৈ আহিব ৷
