আজি শিল্পা চেট্টীৰ জন্মদিন ৷ জনপ্ৰিয় অভিনেত্ৰী গৰাকীয়ে নিজৰ জন্মদিন উপলক্ষে সেয়ে নিজকে উপহাৰ দিলে এখন বিলাসী ভেনিটি ভেন, যি এটা প্ৰাসাদতকৈ কোনো গুণে কম নহয়
শিল্পা চেট্টীয়ে আজি উদযাপন কৰিছে তেওঁৰ ৪৭ তম জন্মদিন । যদিও অভিনেত্ৰীগৰাকী বৰ্তমান ‘নিকাম্মা’ৰ প্ৰচাৰত ব্যস্ত হৈ আছে তথাপি ব্যস্ততাৰ মাজতে তেওঁ উদযাপন কৰিছে নিজৰ বিশেষ দিনটোও ৷ অনুৰাগী সকলৰ শুভেচ্ছা আৰু আশীৰ্বাদেৰে ওপজা দিনটোত তেওঁ নিশ্চয়কৈ লাভ কৰিব বহু উপহাৰো ৷ কিন্তু এইবাৰ শিল্পাই জন্মদিনটোত নিজেই নিজকে এটা বিশেষ উপহাৰ দিছে। অভিনেত্ৰীগৰাকীয়ে জন্মদিনত নিজকে উপহাৰ দিছে এখন বিলাসী ভেনিটি ভেন ।অট্টালিকা সদৃশ ভেনখনত আছে বহুতো অত্যাধুনিক সা-সুবিধা ।
আশ্চৰ্যজনক যে শিল্পাৰ ভেনিটি ভেনখনত নিখুঁত পোহৰৰ সৈতে আছে এটা আকৰ্ষণীয় মেক-আপ ৰুম। ইয়াৰ উপৰিও ভেনখনৰ ভিতৰত আছে আকৰ্ষণীয় এটা পাকঘৰ,যোগৰ বাবে সুকীয়া কোঠালি ,অতিথিশালা আদি ৷ যেতিয়া তেওঁ দৃশ্যগ্ৰহণৰ বাবে ভেনখনত সাজু হ’ব অভিনেত্ৰীগৰাকীয়ে নিশ্চিতভাৱে নিজকে এগৰাকী ৰাণীৰ দৰে অনুভৱ কৰিব ।
প্ৰকৃতাৰ্থত আকৰ্ষণীয় ব্যক্তিত্বৰ অধিকাৰী মোহময়ী শিল্পাই ৪৭বছৰীয়া ওপজা দিনত নিজকে দিলে এক সৰ্বশ্ৰেষ্ঠ উপহাৰ।
