বিকি কৌশল আৰু কেটৰিনা কাইফৰ বিবাহৰ প্ৰায় ডেৰ বছৰ হ’ল। তেওঁলোকৰ বিষয়ে জল্পনা-কল্পনাৰ অন্ত নাই। কেতিয়াবা কেটৰিনাৰ গৰ্ভধাৰণৰ জল্পনা-কল্পনা, কেতিয়াবা তাৰকা দম্পতীৰ মাজৰ মতভেদৰ খবৰ। ১৬ মে’ত বিকি কৌশলে উদযাপন কৰে জন্মদিন । স্বামীৰ জন্মদিনত কেটৰিনাই সকলো কথা স্পষ্ট কৰি দিলে।
অভিনেত্ৰীগৰাকীয়ে স্বামীৰ সৈতে ব্যক্তিগত মুহূৰ্তৰ দুখন ছবি ছ’চিয়েল মিডিয়াত শ্বেয়াৰ কৰে। এখন ফটোত কেটৰিনাই বিকিৰ সৈতে নৃত্য কৰি আছে ৷ আনখনত তেওঁ দুয়োজনে আলিংগন কৰি থকা দেখা গৈছে ৷ তেওঁ কেপচনত লিখিছে, “অলপ নৃত্য, বহুত মৰম।শুভ জন্মদিন মোৰ প্ৰেম।”
২০১৯ চনত জয়া আখতাৰৰ পাৰ্টিত দুয়োৰে মাজত সাক্ষাৎ হৈছিল ৷ তেতিয়াৰ পৰাই আৰম্ভ হয় প্ৰেম। ইয়াৰ পিছত ২০২১ চনত ৰাজস্থানত বিকি কৌশল আৰু কেটৰিনা কাইফে বিবাহপাশত আবদ্ধ হয়। বিয়াৰ পিছত অৱশ্যে তাৰকা দম্পতীয়ে কেতিয়াবা ছ’চিয়েল মিডিয়া পেজত ইজনে সিজনৰ প্ৰতি মৰমৰ পোষ্ট শ্বেয়াৰ কৰিছিল। কিন্তু কেটৰিনাই কেইবামাহো ধৰি সংবাদ মাধ্যমক পৰিহাৰ কৰি আহিছে। ইয়াৰ মাজতে বিকি আৰু কেটৰিনাক লৈ উদ্যোগটোৰ ভিতৰত চর্চা আৰম্ভ হৈছে।
যশ ৰাজ ফিল্মছৰ প্ৰযোজনা ‘টাইগাৰ ৩’ কেইমাহমানৰ পিছত মুক্তি পাবলৈ ওলাইছে। ‘টাইগাৰ’ ফ্ৰেঞ্চাইজিৰ এই ছবিখনত ছলমান খানৰ সৈতে অভিনয় কৰিব কেটৰিনা কাইফে। যদিও ছবিখনৰ বিষয়ে ইতিমধ্যে চৰ্চা হৈছে, তথাপিও কেটৰিনাৰ চৰিত্ৰ সন্দৰ্ভত এতিয়ালৈকে কোনো তথ্য প্ৰকাশ কৰা হোৱা নাই। ফলত অনুৰাগীৰ মাজত কৌতুহল বাঢ়িছে।
