পাৰ্কিনছন হৈছে এক জটিল স্নায়ুজনিত ৰোগ যি অহৰহ মানসিক চাপ আৰু ক্লান্তিৰ বাবে বৃদ্ধি পায়। তথ্য অনুসৰি সমগ্ৰ বিশ্বতে এই ৰোগৰ প্ৰাদুৰ্ভাৱ বাঢ়িছে। ‘ফ্ৰন্টিয়াৰ্ছ’ নামৰ এখন আলোচনীত প্ৰকাশিত এই ৰোগবিধ যিমান সোনকালে চিনাক্ত হয় সিমানেই ইয়াৰ চিকিৎসাৰ সম্ভাৱনা বেছি। কিন্তু বহু ক্ষেত্ৰত ৰোগ চিনাক্ত কৰিবলৈ বহু সময় লাগে। এই ৰোগৰ প্ৰাৰম্ভিক অৱস্থাত হাত-ভৰি কঁপি উঠাৰ প্ৰৱণতা দেখা যায়। দিন পাৰ হৈ যোৱাৰ লগে লগে ই বাঢ়ি গৈ থাকে। কেতিয়াবা দৈনন্দিন কাম-কাজবোৰো কঠিন হৈ পৰে। এই ৰোগৰ লক্ষণসমূহ কেনেধৰণৰ হ’ব পাৰে জানেনে ?
উদ্বেগ, মেজাজৰ পৰিৱৰ্তন
অহৰহ উদ্বেগ, বেয়া চিন্তা, ক্ষণিকতে মেজাজৰ পৰিৱৰ্তন আদিয়ে এই জটিল স্নায়ুজনিত বিকাৰৰ সূচনা কৰিব পাৰে। ইউনিভাৰ্চিটি কলেজ অৱ লণ্ডনৰ গৱেষকসকলে দাবী কৰিছে যে যদি উদ্বেগ আৰু চিন্তা অত্যধিক হয় তেন্তে ইয়াৰ প্ৰভাৱ মগজুৰ নিউৰনবোৰত পৰিবলৈ আৰম্ভ কৰে। ফলত স্নায়ুজনিত ৰোগৰ সম্ভাৱনা বাঢ়ি যায়। সময়ৰ লগে লগে মগজুৰ সংকেত প্ৰেৰণৰ ক্ষমতা হেৰাই যাব পাৰে। ড’পামিন নামৰ ৰাসায়নিক পদাৰ্থই মন আৰু মেজাজত প্ৰভাৱ পেলায়। ড’পামাইনে মনটো সুস্থ কৰি ৰখাত সহায় কৰে। মগজুৰ ড’পামিন নিৰ্গত হোৱা অংশৰ বিসংগতিৰ ফলত পাৰ্কিনছন ৰোগ হ’ব পাৰে।
পাচনতন্ত্ৰৰ সমস্যা, কোষ্ঠকাঠিন্য
পাচনতন্ত্ৰৰ সমস্যা, কোষ্ঠকাঠিন্য অতি সাধাৰণ সমস্যা। শিশুৰ পৰা বৃদ্ধলৈকে সকলোৱে এই সমস্যাত ভোগে ৷ কিন্তু ই পাৰ্কিনছন ৰোগৰ লক্ষণো হ’ব পাৰে। ইয়াৰ ওপৰত কৰা এক অধ্যয়নত কোৱা হৈছে যে পাৰ্কিনছন ৰোগ ধৰা পৰাৰ বছৰ বছৰ আগতেই কেইবাজনো ৰোগীয়ে এনে সমস্যাত আক্ৰান্ত হৈছিল । এই ৰোগত গেষ্ট্ৰাইটিছ নলীৰ স্নায়ুৰ ক্ষতি হ’ব পাৰে। ৰোগ ধৰা পৰাৰ আগতে বিশেষকৈ পঞ্চাশ বছৰ বয়সৰ পিছত যদি এনে লক্ষণ দেখা দিয়ে তেন্তে অলপ সচেতন হোৱাটো প্ৰয়োজনীয়।
হাত-ভৰি কঁপনি আৰু খোজ কঢ়াত অসুবিধা
৪০ বা ৫০ বছৰ বয়সৰ পিছত খোজ কঢ়াত অসুবিধা হ’লে আৰু হাত-ভৰি মেলিবলৈ অসুবিধা হ’লে সাৱধান হ’ব লাগিব। যদি হঠাতে হাত-ভৰি কঁপিবলৈ ধৰে, খোজ কাঢ়ি থাকোঁতে এনে লাগে যেন ভৰি দুখন যথেষ্ট শক্তিশালী নহয়, তেন্তে ইয়াৰ সঠিক কাৰণ বিচাৰি উলিওৱাটো প্ৰয়োজনীয়। স্নায়ুবিজ্ঞানৰ অধ্যয়নতো পাৰ্কিনছনৰ লক্ষণ হিচাপে এনে সমস্যা চিনাক্ত কৰা হৈছে। এই ৰোগৰ এটা লক্ষণ হ’ল হাত-ভৰি কঁপি থকা। এনে ক্ষেত্ৰত হাতৰ অজ্ঞানতা কমি গ’লে লগে লগে চিকিৎসকৰ পৰামৰ্শ লোৱাটো প্ৰয়োজনীয়।
হাতৰ আখৰ-বাক্যৰ জটিলতা
পাৰ্কিনছন ৰোগৰ আন এক লক্ষণ হ’ল কথা কোৱা আৰু হাতৰ আখৰ অস্পষ্ট হোৱা। এই স্নায়ুজনিত ৰোগত পেশীৰো ক্ষতি হ’ব পাৰে। ইয়াৰ ফলত লিখিবলৈ অসুবিধা হ’ব পাৰে, কেতিয়াবা স্পষ্টকৈ কথা ক’বলৈও অসুবিধা হ’ব পাৰে। এই ধৰণৰ সমস্যা কেৱল পাৰ্কিনছন ৰোগৰ লক্ষণেই নহয়, আন আন স্নায়ুজনিত ৰোগৰ লক্ষণ হ’ব পাৰে।
