অসমৰ এক আগশাৰীৰ পৰিবেশ সজাগতামূলক স্বেচ্ছাসেৱী অনুষ্ঠান ‘নৱাৰুণ…দ্যা ৰাইজিং ৰে’, অসম’ৰ সহযোগিতাত ‘মিউচুৱেল ফাণ্ড দিষ্ট্ৰিবিউটৰ, MFD’s আৰু ‘ এচেট মেনেজমেণ্ট কোম্পেনী, NE’ ৰ যৌথ উদ্যোগত ৰঙিয়াৰ বিহাপাৰা অঞ্চলৰ বৰ্ণাত্য সকলৰ মাজত ২৯জুন তাৰিখে বানসাহাৰ্য্য প্ৰদান কৰা হয়। উক্ত কাৰ্যসূচীত আই চি আই চি আই মিউচুৱেল ফাণ্ডৰ মৃনাল নায়ক, মহিন্দ্ৰা মিউচুৱেল ফাণ্ডৰ চিন্ময় শৰ্মা, MFD মৃগেশ বৰুৱা, ‘নৱাৰুণ…দ্যা ৰাইজিং ৰে’, অসম’ৰ সভানেত্ৰী ড০সুৰঞ্জনা কলিতা, সম্পাদক মনোৰঞ্জন বৰা সহ ভালেকেইজন সদস্যই সহযোগিতা আগবঢ়াই। অঞ্চলটোৰ বানপীড়িত লোকসকললৈ চাউল, দাইল, ফেনাইল, ডেটল,চেনিটেৰি নেপকিন,মেক্সো কইল,মম , ব্লিচিং পাউদাৰকে আদি কৰি মেডিকেলৰ সামগ্ৰীও ৰাইজৰ মাজত বিতৰণ কৰে অনুষ্ঠানটোৱে ৷ 
পৰৱৰ্তী সময়তো অসমৰ বানপীড়িত কেইবাখনো ঠাইত বানসাহার্য প্ৰদানৰ বাবে সিদ্ধান্ত গ্ৰহণ কৰিছে স্বেচ্ছাসেৱী অনুষ্ঠানটোৱে । সেয়েহে সকলোৰে পৰা সহায় সহযোগিতা কামনা কৰি ৰাইজক অনুৰোধ জনাইছে ‘নৱাৰুণ…The Rising Ray, অসম’ৰ সভাপতি,সম্পাদককে ধৰি অন্যান্য বিষয়ববীয়া সকলে ।
