ৰাছিয়া- ইউক্ৰেইনৰ যুদ্ধই সমগ্ৰ বিশ্বাবাসীকে আতংকিত কৰি তুলিছে ৷ ৰাছিয়াৰ সেনাবাহিনীৰ ধাৰাবাহিক আক্ৰমণৰ পৰা বাচিবলৈ ইউক্ৰেইনৰ নাগৰিক সকলে আশ্ৰয় লৈছে সুৰক্ষিত স্থানত ৷ প্ৰাণৰ মমতাত ইউক্ৰেইন এৰি পলাইছে বিদেশৰ নাগৰিক সকলে ৷ কিন্তু ইয়াৰ মাজতে যুদ্ধ বিধ্বস্ত দেশখনত উপস্থিত হৈ সাহসিকতাৰ পৰিচয় দিলে হলিউডৰ এগৰাকী ছুপাৰষ্টাৰে ৷ ৰাছিয়াৰ প্ৰচণ্ড আক্ৰমণৰ মাজতে শৰণার্থীসকলক সহায় কৰিবলৈ ইউক্ৰেইনত উপস্থিত হৈছে হলিউডৰ ছুপাৰষ্টাৰ এঞ্জেলিনা জলী ৷ ৰুছ সেনাৰ ধাৰাবাহিক বোমাবর্ষণে মাতিব পৰা ভাবুকিক আওকান কৰি অভিনেত্ৰী গৰাকী সোমবাৰে উপস্থিত হয় ইউক্ৰেইনৰ লাভিভত ৷ ৰাষ্ট্ৰসংঘৰ শৰণার্থী সংস্থাৰ বিশেষ দূত এঞ্জেলিনাই হাস্পতাল পৰিদর্শন কৰাৰ লগতে ভুক্তভোগী শিশুসকলক সাক্ষাৎ কৰিব ৷
Angelina Jolie in Lviv forced to run for cover due to missile threat. #Russia #Kyiv #Kharkiv #Ukraine #UkraineWar #UkraineRussianWar #Donetsk #Kiev #Zelenskyi #KievUkraine #Lviv #AngelinaJolie pic.twitter.com/4JdwHWKoC6
— Sujit Gupta (@sujitnewslive) May 1, 2022
শৰণাৰ্থী সকলক সহায় কৰিবলৈ লাভিভত অৱতৰণ কৰা অভিনেত্ৰী গৰাকী নিজেও যুদ্ধভূমিত কেনেদৰে বিপদৰ সন্মুখীন হৈছে তাৰ এক ভিডিঅ’ ইতিমধ্যে ভাইৰেল হৈ পৰিছে ইণ্টাৰনেটত ৷ শৰণার্থীক সহায় কৰিবলৈ তেওঁ ওলাই অহাৰ সময়তে বাজি উঠিছিল এয়াৰ ষ্ট্ৰাইকৰ চাইৰেন ৷ যাৰ বাবে ‘আন নাগৰিকৰ দৰেই সুৰক্ষিত স্থানলৈ দৌৰি যাব লগীয়া হৈছিল অভিনেত্ৰী গৰাকী ৷ অৱশ্যে তাৎক্ষণিকভাৱে তেওঁ সহযোগীসকলৰ সৈতে এটুকুৰা সুৰক্ষিত স্থানত আশ্ৰয় ল’বলৈ সক্ষম হয় ৷ য’ৰ পৰা তেওঁ কেমেৰাৰ সন্মুখত কয় যে তেওঁ সুৰক্ষিত ৷ এঞ্জেলিনা জলীয়ে প্ৰথম দিনাৰ পৰাই ইউক্ৰেইনক সমৰ্থন কৰি আহিছে । ইনষ্টাগ্ৰামত তেওঁ ইউক্ৰেইনক সহায় কৰিবলৈ কেইবাটাও পোষ্ট কৰিছিল ৷ চিৰসেউজ তাৰকা এঞ্জেলিনা জলীক চহৰৰ এখন কফি শ্বপতো দেখা গৈছিল।
