ৰে’লৱে আৰক্ষীৰ আন এক সফলতা ৷ আজি পুৱা গুৱাহাটী ৰে’লৱে ষ্টেচনত ৰে’লৱে আৰক্ষীয়ে জব্দ কৰে ৩২৩ গ্ৰাম ওজনৰ সোণৰ বিস্কুট । জানিব পৰা মতে বিস্কুট কেইটাৰ মূল্য কমেও ১৫ লাখ টকা ৷ সূত্ৰ অনুসৰি নিয়মীয়া তালাচীৰ সময়তে ৰাজধানী এক্সপ্ৰেছৰ পৰা সোণৰ বিস্কুট কেইটা জব্দ কৰিবলৈ সক্ষম হয় আৰক্ষী।
উক্ত ঘটনা সন্দৰ্ভত তামিলনাডুৰ পৰা অহা মহম্মদ মহীউদ্দিন নামৰ এজন লোকক ইতিমধ্যে গ্ৰেপ্তাৰ কৰা হৈছে।জানিব পৰা মতে মহীউদ্দিন নামৰ লোকজনে পেণ্টৰ পকেটত লৈ ফুৰিছিল সোণৰ বিস্কুট দুটা ৷ ডিমাপুৰৰ পৰা চেন্নাইলৈ গৈ থকা অৱস্থাত ৰে’লৱে আৰক্ষীয়ে লোক জনৰ পৰা সোণৰ বিস্কুট কেইটা জব্দ কৰাৰ লগতে আটক কৰে অভিযুক্ত মহীউদ্দিনক।
