২৯মে’ত অসমলৈ আহিব অৰবিন্দ কেজৰিৱাল ৷ গুৱাহাটী পৌৰ নিগমৰ নিৰ্বাচনত এটা ৱাৰ্ডত জয়লাভ কৰাৰ উপৰিও ২৪টা ৱাৰ্ডত দ্বিতীয় স্থানত থকা আম আদমী পাৰ্টিৰ লক্ষ ১০লক্ষ সদস্য ভৰ্তি কৰা ৷ দলটোৰ সম্প্ৰসাৰণৰ বাবে এতিয়া সেয়েহে লক্ষ হৈছে গুৱাহাটী ৷
অসমত দলটোৰ প্ৰসাৰৰ বাবে সেয়েহে গুৱাহাটীলৈ আহিব দিল্লীৰ মুখ্যমন্ত্ৰী অৰবিন্দ কেজৰিৱাল ৷ কেজৰিৱালে গুৱাহাটীত এখন জনসভা সম্বোধন কৰিব ৷ অসমৰ শীৰ্ষ দায়িত্বত থকা দলটোৰ এজন বিষয়াই জানিবলৈ দিয়া মতে দিল্লীৰ মুখ্যমন্ত্ৰী গৰাকীয়ে অসমত দলটোৰ ১০লক্ষ সদস্য ভৰ্তিৰ লক্ষৰ কথা ঘোষণা কৰিব ৷
উল্লেখযোগ্য যে বিগত গুৱাহাটী পৌৰসভা নিৰ্বাচনত আম আদমী পাৰ্টিয়ে এটা ৱাৰ্ডত জয়লাভ কৰাৰ উপৰিও ২৪টা ৱাৰ্ডত দ্বিতীয় স্থানত আছিল ৷ প্ৰায় ৪,৪০,০০০ভোটেৰে কংগ্ৰেছৰ পিছতে তৃতীয় স্থানত আছিল দলটো ৷ দলটোৰ এনে অপ্ৰত্যাশিত উত্থান দেখি ‘আপ’ত যোগদান কৰিছিল ৰাইজৰ দলৰ কমল কুমাৰ মেধিকে ধৰি কংগ্ৰেছৰ মনোজ ধানৱাৰ আদিৰ দৰে বহুকেইজন নেতাই ৷
