গোলাঘাটৰ বেবেজীয়াত উত্তপ্ত পৰিস্থিতি ৷ গোলাঘাটৰ আঠখেলীয়াৰ বেবেজীয়াত সংঘটিত হ’ল এক শিহৰণকাৰী ঘটনা ৷ ড্ৰাগছ আসক্ত নাজিদুৰ ইছলাম নামৰ লোকজনে দাৰে ঘপিয়াই হত্যা কৰিলে চুবুৰীয়া দিব্যজ্যোতি দাস নামৰ লোকজনক৷ আনহাতে গুৰুতৰ ভাৱে আহত দিব্যজ্যোতিৰ পত্নী চুম্পী দাস আৰু ৯বছৰীয়া পুত্ৰ প্ৰিয়ম ৷ খঙত উত্তেজিত ৰাইজে ইতিমধ্যে হত্যাকাৰী নাজিদুৰৰ বাসগৃহ তথা ব্ৰইলাৰ ফাৰ্মত অগ্নি সংযোগ কৰে ৷ লগতে আৰক্ষীয়ে অপৰাধী নাজিদুৰক পলাই পঠোৱাৰ অভিযোগ উত্থাপন কৰি হত্যাকাণ্ড সন্দৰ্ভত উচিত তদন্তৰ দাবী কৰি সমগ্ৰ অঞ্চলটোৰ উত্তেজিত ৰাইজে ৷
অৱশ্যে ইতিমধ্যে হত্যাকাৰীক গ্ৰেপ্তাৰ কৰা বুলি আৰক্ষীয়ে সংবাদ মাধ্যমক জানিবলৈ দিছে ৷ এতিয়া সময়েহে ক’ব কি আছিল এই হত্যাৰ আঁৰৰ ৰহস্য ? উচিত ন্যায় পাব নে হত্যাকাৰী নাজিদুৰে ?
