৯টা সন্তানৰ পিতৃ হ’ল বিশ্বৰ সকলোতকৈ ধনী ব্যক্তি এলন মাস্ক ।এলনৰ সাতটা সন্তানৰ পিছত এইবাৰ যমজ পুত্ৰ জন্ম দিলে তেওঁৰ কোম্পানীৰ মহিলা বিষয়া শিৱন জিলিছে। এখন আবেদনে প্ৰকাশ কৰিলে সকলো । এতিয়া এই খবৰে বাতৰিৰ শিৰোনাম দখল কৰিছে যে এলন মাস্ক এতিয়া ৭ নহয় ৯ টা সন্তানৰ পিতৃ।
২০২১ চনত, তেওঁৰ কোম্পানীৰ মহিলা বিষয়া শিৱন জিলিছে এলন মাস্কৰ দুটা যমজ সন্তান জন্ম দিয়ে। শিৱন এলন মাস্কৰ নিউৰোলিংকৰ আটাইতকৈ ডাঙৰ বিষয়া। বাতৰি অনুসৰি, এলন আৰু জিলিছে এপ্ৰিল মাহত এখন আবেদন দাখিল কৰিছিল, যাতে শেষত পিতৃৰ নাম আৰু মাজত মাতৃৰ নাম যোগ দিয়া হয়। এই আৱেদনৰ যোগেদি সকলোৱে তেওঁলোকৰ যমজ সন্তানৰ বিষয়ে জানিব পাৰিলে। এমাহ পিছত টেক্সাছৰ এজন ন্যায়াধীশে আৱেদনখন অনুমোদন জনাইছিল।
উল্লেখযোগ্য যে শিৱন জিলিছ নিউৰোলিংকৰ সঞ্চালন আৰু বিশেষ প্ৰকল্পৰ সঞ্চালক। নিউৰোলিংক এলন মাস্কৰ দ্বাৰা প্ৰতিষ্ঠা কৰা হৈছিল আৰু তেওঁ ইয়াৰ অধ্যক্ষ। ২০১৭ চনৰ মে’ মাহৰ পৰা শিৱন জিলিছে কোম্পানীটোত কাম কৰি আছে।
