ৰঙিয়া আৰক্ষীয়ে পুনৰ লাভ কৰিছে আন এক সাফল্য ৷ এক অভিযানৰ জৰিয়তে ৰঙিয়া আৰক্ষীয়ে এইবাৰ অঞ্চলটোৰ বৰলেচাকোনাত উৎখাত কৰিছে বাইক চুৰি চক্ৰ। গোপন সূত্ৰৰ ভিত্তিত চলোৱা এই অভিযানৰ জৰিয়তে আৰক্ষীয়ে চাৰিখন বাইক উদ্ধাৰ কৰাৰ লগতে তিনিজন গভাইত চোৰক গ্ৰেপ্তাৰ কৰিছে ৷ আৰক্ষীৰ জালত পৰা চোৰকেইটা হৈছে ৰেকিবুল আহমেদ, তৰিফুল আলী আৰু ডিম্পু আলী ৷
আৰক্ষীয়ে সদৰী কৰা অনুসৰি গুৱাহাটীৰ পৰা চুৰি কৰি আনি ধৃত চোৰকেইজনে ৰঙিয়াৰ বৰলেছাকোনাত এঘৰত লুকুৱাই ৰাখিছিল বাইককেইখন ।ইয়াৰে দুখন ২২০ পালচাৰ, এখন বুলেট আৰু এখন ছুপাৰ স্প্লেণ্ডাৰ ৷ অধিক তথ্যৰ বাবে ৰঙিয়া আৰক্ষী থানাত সোধপোছ কৰি থকা হৈছে ধৃত চোৰকেইটাক । তদুপৰি বাইককেইখনৰ মালিকৰ সন্ধান কৰি থকা হৈছে বুলিও সদৰী কৰিছে আৰক্ষীয়ে ৷
