কানাডাৰ শ্বেৰবোৰ্ণ ষ্টেচনৰ বাহিৰত একাধিক বন্দুকৰ গুলীৰ আঘাতত মৃত্যুক আকোৱালি ল’লে এজন ভাৰতীয় যুৱকে ৷যি ঘটনাই বৰ্তমান সময়ত সমগ্ৰ দেশ জুৰি সৃষ্টি কৰিছে তীব্ৰ চাঞ্চল্যৰ ৷ কাৰ্তিক নামৰ এই যুৱকজনৰ ঘৰ গাজিয়াবাদত । কাৰ্ত্তিকৰ পৰিয়ালে শুক্ৰবাৰে আবেলি এই শোকাবহ খবৰ পাই যদিও মৃত্যুৰ কাৰণ সন্দৰ্ভত এতিয়াও অজ্ঞাত তেওঁৰ পৰিয়ালৰ লোক ।
কানাডিয়ান বাতৰি ৱেবছাইটএটাৰ হোম পেজত এটা ক’লা বেকপেক আৰু বগা জোতাৰ এখন ছবি গাজিয়াবাদৰ এহাল দম্পতীৰ বাবে দুঃস্বপ্নলৈ পৰিণত হৈছে। বৃহস্পতিবাৰে, তেওঁলোকৰ পুত্ৰ কাৰ্তিক বাসুদেৱে (২১বছৰ) টৰণ্টোত তেওঁৰ চাকৰিলৈ যাবলৈ মেট্ৰ’ ষ্টেচনৰ পৰা ওলাই অহা সময়তে গুলীয়াই হত্যা কৰা হৈছিল তেওঁক । বাতৰিটো দেখি তেওঁৰ এজন আত্মীয়ই বেগটো চিনাক্ত কৰিছিল আৰু কাৰ্ত্তিকৰ পৰিয়ালক এই শোকাবহ খবৰ দিছিল।
কাৰ্ত্তিকৰ পিতৃ জিতেশ বাসুদেৱে কৈছিল: “আমি শেষবাৰৰ বাবে বৃহস্পতিবাৰে কাৰ্তিকৰ সৈতে কথা পাতিছিলো আৰু তেওঁ আমাক কৈছিল যে তেওঁ কামলৈ গৈ আছে। তেওঁ এজন ছাত্ৰ আছিল কিন্তু মেক্সিকান ৰেষ্টুৰেণ্টএখনত আংশিক সময়ৰ বাবে কাম কৰিছিল। কেইবা ঘণ্টাধৰি, তেওঁৰ ফোনটো বন্ধ আছিল। তেওঁৰ সম্পৰ্কীয় ভায়েক যাৰ সৈতে একেটা এপাৰ্টমেণ্টতে কাৰ্ত্তিক আছিল,তেওঁ চিন্তিত হৈ পৰিছিল আৰু আৰক্ষীক অৱগত কৰিছিল। পিছে ইতিমধ্যে এটা শ্বুটিং হোৱাৰ বাতৰি ওলাইছিল আৰু তেতিয়াই তেওঁ অনুভৱ কৰিছিল যে কাৰ্তিক আৰু নাই।”
কাৰ্তিকে টৰণ্টোস্থিত চেনেকা বিশ্ববিদ্যালয়ৰ পৰা গোলকীয় ব্যৱস্থাপনা কৰি আছিল । তেওঁ জানুৱাৰীত কানাডালৈ স্থানান্তৰিত হৈছিল আৰু তেওঁ তেওঁৰ সম্পৰ্কীয় ভায়েকৰ সৈতে এটা এপাৰ্টমেণ্টতে আছিল।কলেজত যোগদান কৰাৰ অলপ দিনৰ পিছতে, তেওঁ ডাউনটাউন অঞ্চলৰ ৰেষ্টুৰেণ্টত এটা চাকৰি পাইছিল।অধ্যয়নৰ সময়খিনিৰ উপৰিও বাকী সময়ছোৱাত প্ৰতিদিনে কাৰ্তিক তেওঁৰ কামলৈ গৈছিল।
কাৰ্তিকে গাজিয়াবাদৰ ডি.এ.ভি.-ৰ পৰা স্কুলীয়া শিক্ষা গ্ৰহণ কৰিছিল আৰু দশম শ্ৰেণীত সিদ্ধান্ত লৈছিল যে তেওঁ কানাডাত পঢ়িব৷
” সম্পৰ্কীয় ভায়েকে আৰক্ষীক কাৰ্ত্তিক নিৰুদ্দেশ হোৱাৰ কথা জনাইছিল । কাৰ্তিকৰ নিয়োগকৰ্তাইও ভায়েকক ফোন কৰিছিল আৰু কৈছিল যে তেওঁ কামলৈ অহা নাছিল। দুয়োজনে পৰিস্থিতিটোৰ বিষয়ে আলোচনা কৰি থাকোতেই তেওঁলোকে গুলীচালনাৰ বিষয়ে জানিব পাৰিছিল আৰু ছবিবোৰৰ পৰা চিনাক্ত কৰিছিল যে সেয়া কাৰ্ত্তিক আছিল,” ।
“তেওঁ কেতিয়াও মাত মাতিব পৰা নাছিল। এই মুহূৰ্তত, আমি নাজানো কি ঘটিছিল। আমাক কোৱা হৈছে যে তেওঁৱেই একমাত্ৰ হতাহত হৈছিল। মোৰ ল’ৰা মাত্ৰ তিনি মাহ আগতে তেওঁৰ সপোনৰ গন্তব্যস্থানত উপনীত হৈছিল। মই নাজানো কোনে তেওঁৰ সৈতে এনে কৰিব,” কাৰ্ত্তিকৰ পিতৃ জিতেশে এনেদৰে কৈ শোকত ভাগি পৰিছিল ৷
কাৰ্তিকৰ পৰিয়ালত আছে তেওঁৰ মাক দেউতাক আৰু এজন ভায়েক। পৰিয়ালটোক কানাডাৰ ভাৰতীয় দূতাবাসে এই কথা জনাইছে যে তেওঁৰ মৃতদেহ ঘূৰাই অনাৰ প্ৰক্ৰিয়াটোত আৰু ছটা দিনৰ প্ৰয়োজন হ’ব।
