বর্ষপুতিত অসমৰ মুখ্যমন্ত্ৰীয়ে নকৰা কি কাম কৰিলে তামিলনাডুৰ মুখ্যমন্ত্ৰীয়ে ?

প্ৰায় এবছৰ পূর্বে একে সময়তে অসমৰ লগতে তামিলনাডুত গঠন হৈছিল নতুন চৰকাৰ ৷ অসমত ডঃ হিমন্ত বিশ্ব শর্মা আৰু তামিলনাডুত এম কে ষ্টেলিনৰ নেতৃত্বত গঠন হৈছিল চৰকাৰ ৷ বর্ষপুতি উপলক্ষে আজি কেতবোৰ নতুন আঁচনি ঘোষণা কৰিছে  ষ্টেলিনে ৷ আনহাতে ডঃ হিমন্ত বিশ্ব শর্মাই বর্ষপুতিৰ প্ৰাকক্ষণত কাজিৰঙাৰ বিলাসী ৰিজর্টত মন্ত্ৰী বিধায়কক লগত লৈ বৈঠক অনুষ্ঠিত কৰিলে ৷ ষ্টেলিনে নতুন আঁচনি ঘোষণা কৰাৰ লগতে এনে এক কাম কৰিছে যিটো বর্ষপুতিৰ প্ৰাকক্ষণত কৰা দেখা নগ’ল অসমৰ মুখ্যমন্ত্ৰী ডঃ হিমন্ত বিশ্ব শর্মাই ৷ বর্ষপুতি উপলক্ষে তামিলনাডুৰ মুখ্যমন্ত্ৰী গৰাকীয়ে সাধাৰণ জনতাৰ ওচৰলৈ গৈ কথা বতৰা পতা পৰিলক্ষিত হৈছে ৷ শনিবাৰে পুৱা ষ্টেলিনে ৰাজহুৱা পৰিবহনৰ বাছত ভ্ৰমণ কৰি ৰাজহুৱা পৰিবহন সেৱাৰ বুজ লোৱাৰ লগতে যাত্ৰীসকলৰ সৈতে মত বিনিময় কৰে ৷

উল্লেখ্য যে এয়াই প্ৰথম নহয় ৷ ইয়াৰ পূর্বেও তেওঁ বিভিন্ন সময়ত ৰাইজৰ ওচৰলৈ গৈ কথা বতৰা পতা পৰিলক্ষিত হৈছিল ৷ ইপিনে আজি প্ৰাথমিক বিদ্যালয়ত পুৱাৰ আহাৰ,শিক্ষার্থীৰ বাবে চিকিৎসা সেৱা  আদিকে ধৰি কেইবাখনো আঁচনি গ্ৰহণ কৰে ৷