বিত্ত মন্ত্ৰী নিৰ্মলা সীতাৰমণে শনিবাৰে পেট্ৰ’লৰ ওপৰত প্ৰতি লিটাৰত ৮ টকা আৰু ডিজেলত প্ৰতি লিটাৰত ৬ টকা কৈ আবকাৰী শুল্ক হ্ৰাস কৰাৰ ঘোষণা কৰিছে ৷ এই আবকাৰী শুল্ক হ্ৰাসৰ ফলত দিল্লীত পেট্ৰ’লৰ মূল্য প্ৰতি লিটাৰত ৯.৫টকা আৰু ডিজেলৰ প্ৰতিলিটাৰত ৭টকা হ্ৰাস হ’ব। আবকাৰী হ্ৰাস কাৰ্যকৰী হোৱাৰ পিছত আজিৰ পৰা দিল্লীত পেট্ৰ’লৰ মূল্য প্ৰতি লিটাৰত ৯৬.৭২টকা হ’ব ৷ এতিয়ালৈকে ৰাজধানী চহৰখনত প্ৰতি লিটাৰ পেট্ৰলৰ মূল্য ১০৫.৪১টকা ৷ আনহাতে দিল্লীত প্ৰতিলিটাৰ ডিজেলৰ মূল্য এতিয়া ৯৬.৬৭টকাৰ বিপৰীতে ৮৯.৬২ লিটাৰ হ’ব।
কেন্দ্ৰীয় চৰকাৰে ইন্ধনৰ মূল্য হ্ৰাস কৰাৰ ঘোষণা কৰাৰ এদিন পিছত, মহাৰাষ্ট্ৰ প্ৰশাসনে দেওবাৰে পেট্ৰ’ল আৰু ডিজেলৰ ওপৰত মূল্য-সংযোজন কৰ (ভেট) হ্ৰাস কৰে। মহাৰাষ্ট্ৰত পেট্ৰ’লৰ ভেট প্ৰতি লিটাৰত ২.০৮ টকা হ্ৰাস কৰা হৈছে আৰু ডিজেলত প্ৰতি লিটাৰত ১.৪৪ টকা হ্ৰাস কৰা হৈছে।
মুম্বাইত আবকাৰী শুল্ক আৰু ভেট হ্ৰাসৰ পিছত এক লিটাৰ পেট্ৰ’লৰ মূল্য ১১১.৩৫ আৰু এক লিটাৰ ডিজেলৰ মূল্য হ’ব ৯৭.২৮টকা হ’ব। চেন্নাইত, পেট্ৰ’ল আৰু ডিজেলৰ মূল্য প্ৰতি লিটাৰত ১০২.৬৫টকা আৰু ৯৪.২৪টকা ৷ কলকাতাত, পেট্ৰ’লৰ মূল্য ১০৬.০৩টকা আৰু ডিজেলৰ মূল্য ৯২.৭৬। বেংগালুৰুত, এক লিটাৰ পেট্ৰ’লৰ মূল্য ১০১.৯৪ হ’ব আৰু এক লিটাৰ ডিজেলৰ মূল্য ৮৭.৮৯ হ’ব। আনহাতে গুৰুগ্ৰামত এক লিটাৰ পেট্ৰ’লৰ মূল্য ৯৭.৮১টকা আৰু এক লিটাৰ ডিজেলৰ মূল্য ৯০.০৫টকা ।
কেন্দ্ৰীয় চৰকাৰে পেট্ৰ’লৰ ওপৰত আবকাৰী শুল্ক আৰোপ কৰে। দেশৰ প্ৰতিখন ৰাজ্যৰ সৈতে পেট্ৰ’লৰ ভেটো পৃথক হয়। যিহেতু কেন্দ্ৰই ডিজেল আৰু পেট্ৰ’লৰ ওপৰত আবকাৰী শুল্ক হ্ৰাস কৰিছে সেয়ে ৰাজ্যসমূহৰ ভেট স্বয়ংক্ৰিয়ভাৱে হ্ৰাস হয়।কেন্দ্ৰই বহুবাৰ ৰাজ্যসমূহক, বিশেষকৈ অ-বিজেপি শাসিত ৰাজ্যসমূহক পেট্ৰ’ল আৰু ডিজেলৰ ওপৰত ভেট হ্ৰাস কৰিবলৈ আহ্বান জনাইছে, কিন্তু ৰাজ্যসমূহে তেনে কৰা নাছিল।
চৰকাৰৰ মুদ্ৰাস্ফীতি ব্যৱস্থাপনা বিৰোধী দল আৰু অৰ্থনীতিবিদসকলৰ দ্বাৰা সমালোচিত হোৱাৰ পিছত এই পদক্ষেপ লোৱা হৈছিল। ইন্ধনৰ পৰা পাচলি আৰু ৰন্ধন তেললৈকে সকলো সামগ্ৰীৰ মূল্য বৃদ্ধিয়ে ডব্লিউপিআই বা পাইকাৰী মূল্যৰ মুদ্ৰাস্ফীতি এপ্ৰিলত ১৫.০৮ শতাংশৰ অভিলেখ উচ্চতালৈ ঠেলি দিছিল আৰু খুচুৰা মুদ্ৰাস্ফীতি প্ৰায় আঠ বছৰৰ সৰ্বোচ্চ ৭.৭৯ শতাংশলৈ লৈ গৈছিল।
