কলিয়াবৰ হাতীবন্ধাত সংঘটিত হৈছে এক ভয়ংকৰ পথ দুৰ্ঘটনা। এই দুৰ্ঘটনাত নিহত হৈছে এগৰাকী মহিলা আৰু এজন যুৱক ।আনহাতে আহত এটি শিশু, দুগৰাকী মহিলাসহ মুঠ ৫জন । এখন মালবাহী মেজিকৰ সৈতে যাত্ৰী বাহী টেম্প’ৰ মুখামুখি সংঘৰ্ষৰ ফলতে সংঘটিত হয় শোকাবহ দুৰ্ঘটনাটো।
কলিয়াবৰ-তেজপুৰ সংযোগী ৩৭নং (ক) ৰাষ্ট্ৰীয় ঘাইপথত সংঘটিত হৈছে উক্ত দুৰ্ঘটনাটো।যাত্ৰীবাহী টেম্প’খন তেজপুৰ পাঁচমাইলৰ পৰা জুৰীয়ালৈ আহি আছিল । আনহাতে, মালবাহী মেজিকখন আছিল তেজপুৰ অভিমুখী ।
দুৰ্ঘটনাগ্ৰস্ত এটি শিশুসহ আহত পাঁচজনকে আৰক্ষীয়ে ততাতৈয়াকৈ চিকিৎসাৰ বাবে জখলাবন্ধা চিকিৎসালয়লৈ প্ৰেৰণ কৰে। অৱশ্যে পৰৱৰ্তী সময়ত আহতসকলক উন্নত চিকিৎসাৰ বাবে প্ৰেৰণ কৰা হয় তেজপুৰ মেডিকেল কলেজলৈ। আহতসকল তেজপুৰ পাঁচমাইলৰ জান্নাতুৰ, মহিবুৰ ৰহমান, আৰিফুল হুছেইন, মচিনুম ৰহমান, আনোৱাৰা বেগম বুলি চিনাক্ত কৰা হৈছে।
ইফালে নিহত মহিলাগৰাকী তেজপুৰৰ মাছুদা কবিৰ আৰু নিহত যুৱকজন তেজপুৰৰ আচিকুল হক বুলি চিনাক্ত কৰা হৈছে । জানিবপৰা মতে মুখামুখী সংঘৰ্ষৰ ফলত দুৰ্ঘটনাত পতিত হোৱা দুয়োখন বাহনৰ যাত্ৰীবাহী টেম্প’খনৰ নাম্বাৰ-AS-01-NC-4066 আনহাতে নম্বৰবিহীন আছিল মালবাহী টাটা মেজিকখন।
