আভ্যন্তৰীণ জল পৰিবহণ বিভাগৰ গুৰুত্বপূৰ্ণ সিদ্ধান্ত

গুৱাহাটী-উত্তৰ গুৱাহাটীৰ ফেৰী যাত্ৰী সকলৰ বাবে এক সুখবৰ ৷ আজি ঘোষণা কৰা হয় আভ্যন্তৰীণ জলপৰিবহণ বিভাগৰ ফেৰী সেৱা সম্বন্ধীয় এক গুৰুত্বপূৰ্ণ সিদ্ধান্ত ৷ গুৱাহাটী আৰু উত্তৰ গুৱাহাটীৰ মাজত আজিৰ পৰা পুনৰ আৰম্ভ হ’ব নৈশ ফেৰী সেৱা ৷ উল্লেখযোগ্য যে বিগত ১৮মে’ৰ পৰা ব্ৰহ্মপুত্ৰত বন্ধ আছিল গুৱাহাটী-উত্তৰ গুৱাহাটী জলপথৰ নিশাৰ ফেৰী সেৱা ৷আভ্যন্তৰীণ জলপৰিবহন বিভাগৰ শেহতীয়া সিদ্ধান্ত  অনুসৰি আজিৰ পৰা নিশা আঠ বজালৈকে পুনৰ অব্যাহত থাকিব গুৱাহাটী আৰু উত্তৰ গুৱাহাটীৰ এই  ফেৰী সেৱা ৷