জুবিনৰ অনুষ্ঠানত বোকা ডেন্স কৰিলে ভৰিব লাগিব দণ্ড, সেৱন কৰিব নোৱাৰিব মাদক দ্ৰৱ্য, মাইকযোগে ঘোষণা কৰিলে এখন গাঁৱৰ ৰাইজে। নিয়ম অমান্য কৰিলে ভৰিব লাগিব দণ্ড। যাব লাগিব আৰক্ষী থানালৈ।
কামৰূপ জিলাৰ ছয়গাঁও সমষ্টিৰ কুকুৰমাৰা গাৱঁৰ অন্যতম সামাজিক-সাংস্কৃতিক অনুষ্ঠান নেহৰু ক্লাবৰ ৰূপালী জয়ন্তী বৰ্ষত সংগীতানুষ্ঠান পৰিৱেশন কৰিব নৱ প্ৰজন্মৰ হাৰ্টথ্ৰৱ জুৱিন গাৰ্গে।
সেই উপলক্ষে গাঁওবাসীৰ গাত তৰণি নাই। গাঁওখনৰ ৰাইজে প্ৰিয় শিল্পীগৰাকীক ওচৰৰ পৰা চাবলৈ অধীৰ আগ্ৰহেৰে বাট চাইছে তথা গাঁওখনলৈ অহা আমন্ত্ৰিত ব্যক্তিসকলে যাতে অসন্মান নাপায় তাৰ বাবেও বাট-পথসমূহ চাফ-চিকুণ কৰিছে গাওঁখন সজাই পৰাই তুলিছে ৰাইজে।
দুদিনীয়া কাৰ্যসূচীৰে অনুষ্ঠিত হ’বলগীয়া এই ৰূপালী জয়ন্তী বৰ্ষৰ আজি নিশাৰ অনুষ্ঠানৰ বিশেষ আকৰ্ষণ হৈছে অসমৰ জনপ্ৰিয় কন্ঠশিল্পী তথা নৱ প্ৰজন্মৰ হাৰ্ট থ্ৰ’ব জুবিন গাৰ্গ।
