এইবাৰ বিশ্বানাথত সংঘটিত হৈছে এক এনকাউণ্টাৰৰ ঘটনা ৷ দেওবাৰে নিশা অস্ত্ৰ সৰবৰাহকাৰী জাকিৰ হুছেইনলৈ গুলীচালনা কৰে আৰক্ষীয়ে ৷ অস্ত্ৰ সৰবৰাহকাৰী জাগিৰ হুছেইন ওৰফে জাকিৰ হুছেইন আহত হৈছে আৰক্ষীৰ গুলীত ৷ জানিবপৰা মতে দেওবাৰে আৰক্ষীয়ে গ্ৰেপ্তাৰ কৰিছিল জাকিৰক ৷ ধৃত জাকিৰৰ ঘৰ নগাঁও জিলাৰ জুৰিয়া থানাৰ অন্তৰ্গত ক’লাডোবাত ৷ গঁড় হত্যাৰ লগত জড়িত জাকিৰ হুছেইন ৷
তথ্য অনুসৰি বিশ্বানাথৰ ছেৱাগুৰিত অস্ত্ৰৰ ঘাটি দেখুৱাবলৈ নিওঁতে আৰক্ষীক আক্ৰমণ কৰি পলায়নৰ চেষ্টা কৰোতে আৰক্ষীয়ে গুলীয়াবলৈ বাধ্য হয় জাকিৰক ৷ জাকিৰৰ আক্ৰমণৰ আহত হৈছে আৰক্ষী কণিষ্টবল ইচমাইল আলী ৷ভৰিত গুলী লগা অৱস্থাত জাকিৰক নিশাই বিশ্বনাথ চাৰিআলি অসামৰিক চিকিৎসালয়ত ভৰ্তি কৰা হয় যদিও পিছত উন্নত চিকিৎসাৰ বাবে প্ৰেৰণ কৰা হয় তেজপুৰ মেডিকেল কলেজলৈ ৷ আনহাতে আৰক্ষী কণিষ্টবল ইছমাইল আলীক চিকিৎসা গ্ৰহণৰ পিছত চিকিৎসকে ঘৰলৈ যাবলৈ দিয়ে ৷
