গুৱাহাটীৰ এখন আগশাৰীৰ ব্যক্তিগত খণ্ডৰ স্কুল ‘হলি চাইল্ড স্কুল’ৰ স্কুল বাছৰ চালক হিচাপে কৰ্মৰত নিতুমনি কলিতাক ড্ৰাগছৰ ব্যৱসায়ত জড়িত থকাৰ বাবে আটক কৰিছে আৰক্ষীয়ে ৷
‘ চান্দমাৰী আৰক্ষী থানাৰ এটা আৰক্ষীৰ দলে কৃষ্ণনগৰৰ অমিয়নগৰৰ পৰা আজি নিতুমনি কলিতা নামৰ এজন স্কুলবাছ চালকক ড্ৰাগছ সৰবৰাহ কৰাৰ অপৰাধত গ্ৰেপ্তাৰ কৰে।লগতে তেওঁৰ দখলৰ পৰা মুঠ ০.৫৭ গ্ৰাম হেৰোইন, ৩ ভাইল, ১ টা চিৰিঞ্জ আৰু ১ টা নকিয়া ফোন উদ্ধাৰ কৰা বুলিও জানিবলৈ দিয়ে গুৱাহাটী আৰক্ষীয়ে ৷জানিব পৰা মতে কলিতাক জেৰা কৰাৰ পিছত তেওঁ স্বীকাৰ কৰিছিল যে তেওঁ ড্ৰাগছ সৰবৰাহত জড়িত আছিল।
লক্ষণীয়ভাৱে, ড্ৰাগছ সৰবৰাহৰ এনে ধৰণৰ ঘটনাসমূহ এটাৰ পিছত এটা কৈ সন্মুখলৈ আহাৰ বাবে অধিক সতৰ্ক হৈ পৰিছে ৰাজ্যিক আৰক্ষী ।
