কেন্দ্ৰৰ অগ্নিপথ নিযুক্তি আঁচনিৰ বিৰুদ্ধে বিহাৰত হিংসাত্মক হৈ পৰে অগ্নিপথ বিৰোধী প্ৰতিবাদ । প্ৰতিবাদকাৰীসকলে কমেও তিনিখন ৰেলত জুই লগাই দিয়াৰ ফলত ক্ৰমে হিংসাত্মক হৈ পৰিছে প্ৰতিবাদ কাৰ্যসূচী।
কেন্দ্ৰৰ অগ্নিপথ নিযুক্তি আঁচনিৰ বিৰুদ্ধে বিহাৰত হিংসাত্মক হৈ পৰিছে এই প্ৰতিবাদ। প্ৰতিবাদকাৰী সকলৰ দ্বাৰা তিনিখন ৰে’লত ইতিমধ্যে অগ্নিসংযোগ কৰা হৈছে।
ভাৰতীয় সেনাৰ বাবে নতুন নিযুক্তি আঁচনিৰ অধীনত প্ৰৱৰ্তন কৰা পৰিৱৰ্তন, বিশেষকৈ সেৱাৰ দৈৰ্ঘ্য, নতুনকৈ মুকলি কৰা সকলৰ বাবে কোনো পেঞ্চনৰ ব্যৱস্থা নথকা, আৰু ১৭.৫ ৰ পৰা ২১ বছৰ বয়সৰ সীমাবদ্ধতাই এতিয়া তেওঁলোকৰ বহুতকে অযোগ্য প্ৰতিপন্ন কৰাৰ ফলত যুৱক-যুৱতীসকলে ৰে’লপথত শুই পৰি আৰু পথ অৱৰোধ কৰি, আঁচনিখন বাতিল কৰাৰ দাবীত প্ৰতিবাদ কৰিছে । ফলত বিহাৰৰ আন কেইবাখনো জিলাত বিয়পি পৰিছে ক্ৰমাৎ হিংসাত্মক ৰূপ লোৱা এই আন্দোলনে।
