হাতীগাঁৱৰ সিজুবাৰীত আৰক্ষীৰ ড্ৰাগছ বিৰোধী অভিযান ৷ শুক্ৰবাৰে নিশা হাতীগাঁৱৰ সিজুবাৰী মাজহাৰৰ সমীপৰ এটা অঞ্চলত চলোৱা আৰক্ষীৰ এক অভিযানত আটক কৰা হয় বৃহৎ পৰিমাণৰ গাঞ্জাসহ এগৰাকী মহিলা সৰবৰহকাৰী ৷ সিজুবাৰীৰ এটা ভাড়াঘৰত থকা মহিলাগৰাকীৰ পৰা জব্দ কৰা হয় ৭.৩৮কিলোগ্ৰাম ওজনৰ বৃহৎ পৰিমাণৰ গাঞ্জা ৷অভিযানটোত আৰক্ষীয়ে আটক কৰা মহিলা সৰবৰাহকাৰী গৰাকীক ময়ূৰী বেগম বুলি চিনাক্ত কৰা হৈছে ৷ আনহাতে ময়ূৰী বেগম নামৰ এই মহিলা গৰাকীৰ পৰা আৰক্ষীয়ে জব্দ কৰিবলৈ সক্ষম হৈছে নগদ ৪লাখ ৩৩ হাজাৰ ৮০০টকা ৷
উল্লেখযোগ্য যে বহুদিন ধৰি সমগ্ৰ অঞ্চলটোত ময়ূৰী বেগম আৰু তেওঁৰ স্বামীয়ে ড্ৰাগছৰ ব্যৱসায় কৰি থকাৰ অভিযোগ উত্থাপন কৰা হৈছে ৷ ঘটনা সন্দৰ্ভত অব্যাহত আছে আৰক্ষীৰ তদন্ত ৷
