আজি অসমলৈ আহিব ভাৰতীয় জনতা পাৰ্টি(বিজেপি)ৰ ৰাষ্ট্ৰীয় সভাপতি জে পি নাড্ডা ৷ বিয়লি চাৰি বজাত গুৱাহাটীৰ লোকপ্ৰিয় গোপিনাথ বৰদলৈ বিমান বন্দৰত তেওঁ উপস্থিত হব ৷ইয়াৰ পাছতে তেওঁ পোনে পোনে আহি উপস্থিত হ’ব উজান বজাৰত ৷ য’ত তেওঁ আজি আনুষ্ঠানিকভাৱে মুকলি কৰিব বিজেপিৰ উত্তৰ-পূৱ শাখাৰ কাৰ্যালয় “পদ্ম ভৱন” ৷ বিয়লি প্ৰায় ৪.৩০ বজাত তেওঁ এই ভৱনটো উদ্বোধন কৰিব ৷
এই শুভাৰম্ভনি অনুষ্ঠানত উত্তৰ পূৰ্বাঞ্চলৰ তিনি গৰাকী কেন্দ্ৰীয় মন্ত্ৰী আৰু চাৰিগৰাকী মুখ্যমন্ত্ৰী লগতে ৮ খন ৰাজ্যৰ ৰাজ্যিক সভাপতি সকলোকে ধৰি কেন্দ্ৰীয় আৰু ৰাজ্যিক নেতৃত্ব উপস্থিত থাকিব ৷ পদ্ম ভৱনৰ শুভাৰম্ভৰ লগত সংগতি ৰাখি ৰাষ্ট্ৰীয় সভাপতি নাড্ডাই বিয়লি ৫ বজাত মাছখোৱাস্থিত আই.টি.এ চেন্টাৰত এখন কাৰ্যকৰ্তা সভা সম্বোধন কৰিব।
