৩,৪২৬টা বালিৰ লাড়ু আৰু ফুলেৰে এজন শিল্পীয়ে নিৰ্মাণ কৰিলে শ্ৰী গণেশৰ মূৰ্তি

গণেশ চতুৰ্থীৰ দিনা সমগ্ৰ দেশতে গণেশ পূজা উদযাপন কৰাৰ সময়তে দেশৰ বিভিন্ন ঠাইত বিভিন্ন ধৰণেৰে গণেশ মূৰ্তি নিৰ্মাণ কৰি বহুশিল্পীয়ে দিছে তেওঁলোকৰ সৃষ্টিশীল মনটোৰ পৰিচয় ৷ তেনে এক সৃষ্টিশীলতাৰেই এক সুন্দৰ নিদৰ্শন এজন শিল্পীয়ে  গণেশ পূজা উদ্দেশ্যে নিৰ্মাণ কৰা বালিৰে বিশেষ   ভাৱে নিৰ্মাণ কৰা গণেশ মূৰ্তিৰ এই ফট’খন ৷

গণেশ চতুৰ্থীৰ দিনা ভাৰতৰ এজন প্ৰখ্যাৎ বলুকা শিল্পী (চেণ্ড আৰ্টিষ্ট)সুদৰ্শন পাটনায়কে ৩,৪২৬টা বালিৰ লাড়ু আৰু ফুলেৰে নিৰ্মাণ কৰিলে   এই সুন্দৰগণেশ মূৰ্তি ৷ ‘ষ্ট্ৰীম অৱ আৰ্টছ’ নামৰ  এটা শিল্প কলা বিষয়ক সামাজিক মাধ্যমৰ এটি পে’জত এই ছবি আপলোড কৰাৰ পিছতেই বহুল ভাৱে প্ৰচাৰিত হৈছে ছবিখন ৷১০,০০০ত কৈও অধিক লোকে  ফটোখন শ্বেয়াৰ কৰাৰ লগতে  ৭,৪৯,০০০ জন লোকে ছবিখনত প্ৰতিক্ৰিয়া ব্যক্ত কৰিছে ৷ বলুকা শিল্পী সুদৰ্শন পাটনায়কৰ এই সৃষ্টিশীলতাত মুগ্ধ হৈছে দেশৰ হাজাৰ জন  কলাপ্ৰেমী ৷