চৰাইদেউ জিলাৰ সোণাৰি অঞ্চলত গভীৰ শোকৰ বন্যা ৷ জিলাখনৰ এক অগ্ৰণী শিক্ষানুষ্ঠান সোণাৰি কণিষ্ঠ মহাবিদ্যালয়ৰ সমাজতত্ব বিভাগৰ এগৰাকী শিক্ষয়িত্ৰী ভাৰতী চেতিয়াৰ দেহাৱসান ঘটাৰ বাতৰিয়ে শোকস্তব্ধ পৰিবেশৰ সৃষ্টি কৰিছে সমগ্ৰ অঞ্চলটোত ৷ সোণাৰি কণিষ্ঠ মহাবিদ্যালয়ৰ সমাজতত্ব বিভাগৰ শিক্ষয়িত্ৰী গৰাকীৰ মৃত্যুত তেওঁৰ শোক সন্তপ্ত পৰিয়াললৈ গভীৰ সমবেদনা জ্ঞাপন কৰিছে বহুজনে ৷
আনহাতে এগৰাকী নিষ্ঠাবান শিক্ষয়িত্ৰীক হেৰুৱাই মৰ্মাহত হৈ পৰিছে সোণাৰি কণিষ্ঠ মহাবিদ্যালয়ৰ পৰিয়ালবৰ্গ । ভাৰতী চেতিয়াৰ বিদেহ আত্মাৰ চিৰশান্তি কামনা কৰি প্ৰাৰ্থনা জনাইছে তেওঁৰ ছাত্ৰ-ছাত্ৰী সকলৰ লগতে সোণাৰি কণিষ্ঠ মহাবিদ্যালয় কৰ্তৃপক্ষ আৰু শুভাকাংক্ষী সকলে ।
