বৰ্তমান সময়ত অসমৰ শৈক্ষিক জগতৰ এক চিনাকি নাম অসম ডাউন টাউন বিশ্ববিদ্যালয় ৷ বিশ্ববিদ্যালয় খনে এক বিশাল পৰিসৰৰ শিক্ষাপ্ৰদান ব্যৱস্থাৰ যোগেদি অসম তথা উত্তৰ-পূবৰ ছাত্ৰ-ছাত্ৰী সকললৈ আগবঢ়াইছে অভূতপূৰ্ব বৰঙনি ৷ অসমৰ গুৱাহাটী মহানগৰীৰ পানীখেতিত অৱস্থিত বিশাল পৰিসৰৰ এই বিশ্ববিদ্যালয়খনে আকৰ্ষিত কৰিছে অসমৰ লগতে উত্তৰ-পূৰ্বাঞ্চলৰ শিক্ষাৰ্থীসকলকো ৷
বিশ্ববিদ্যালয়খনৰ শিক্ষাৰ্থী সকলৰ বাবে এক সুখবৰ যে আজিৰে পৰা দুদিনীয়াকৈ অসম ডাউন টাউন বিশ্ববিদ্যালয়ত আৰম্ভ কৰা হৈছে বিশ্ববিদ্যালয় গ্ৰন্থমেলা ৷ সেয়েহে বিশ্ববিদ্যালয়খনৰ ‘ডীন অব ষ্টাডিজ’ প্ৰফেচৰ বন্দনা দত্তই আজি এই গ্ৰন্থমেলাখনৰ দ্বাৰ উন্মোচন কৰে ৷
আশা কৰা হৈছে যে এই গ্ৰন্থমেলা খনে লাভান্বিত কৰিব ‘অসম ডাউন টাউন বিশ্ববিদ্যালয়’ৰ প্ৰতিগৰাকী শিক্ষাৰ্থীক ৷
