আপুনি কেতিয়াবা ভাবিছেনে পৃথিৱীত বাস কৰা পোক-পৰুৱাৰ সংখ্য কিমান ৷ আপুনি ভাবিছেনে পৃথিৱীত বাস কৰা পৰুৱাৰ সংখ্যা কোনোবাই গণনা কৰিব পাৰিবনে ? কিন্তু শেহতীয়া এটা গৱেষণাই হিচাপ কৰি উলিয়াইছে পৰুৱাৰ সংখ্যা ৷ শেহতীয়াকৈ প্ৰকাশিত গৱেষণাৰ তথ্য অনুসৰি বিশ্বত প্ৰায় ২০ কোৱাড্ৰিলিয়ন পৰুৱা আছে। অর্থাৎ ২০ হাজাৰ নিযুত নিযুত ৷ সংখ্যাৰ হিচাপত এই পৰিমান হ’ব ২০,০০০,০০০,০০০,০০০,০০০ ৷
গৱেষণাৰ তথ্য অনুসৰি বিশ্বৰ পৰুৱাসমূহে সামগ্ৰিকভাৱে প্ৰায় ১ কোটি ২০ লাখ টন শুকান কাৰ্বন গঠন কৰে। ই পৃথিৱীৰ সকলো বনৰীয়া চৰাই আৰু বনৰীয়া স্তন্যপায়ী প্ৰাণীৰ একেলগে যিমান ভৰ হ’ব তাতকৈয়ো অধিক ৷ তদুপৰি ই মানুহৰ মুঠ ওজনৰ প্ৰায় এক পঞ্চমাংশৰ সমান।
বিশিষ্ট জীৱবিজ্ঞানী এডৱাৰ্ড অ’ উইলছনে কৈছিল যে পৰুৱা প্ৰকৃতিৰ এক গুৰুত্বপূৰ্ণ অংশ। আন আন ভূমিকাসমূহৰ লগতে পৰুৱাই মাটিত বায়ু প্ৰদান কৰে, জৈৱিক পদাৰ্থ ভাঙি পেলায়, আন প্ৰাণীৰ বাসস্থান সৃষ্টি কৰে আৰু খাদ্য শৃংখলৰ এক গুৰুত্বপূৰ্ণ অংশ গঠন কৰে।
বিশ্বত ১৫,৭০০ৰো অধিক পৰুৱাৰ প্ৰজাতি আৰু উপপ্ৰজাতিৰ আছে ৷ ইয়াৰে বহু পৰুৱাৰ এতিয়াও নামকৰণ কৰা নাই। শেহতীয়া গৱেষণাত বিশ্বৰ বিভিন্ন প্ৰান্তৰ সহযোগী বিজ্ঞানীসকলে ৪৮৯টা অধ্যয়নৰ বিশ্লেষণ জড়িত আছিল। এই গৱেষণাই বনাঞ্চল, মৰুভূমি, ঘাঁহনি, চহৰকে ধৰি সকলো মহাদেশ আৰু প্ৰধান বাসস্থানক সামৰি লৈছিল। তেওঁলোকে পিঁপৰা সংগ্ৰহ আৰু গণনাৰ বাবে প্ৰামাণিক পদ্ধতি ব্যৱহাৰ কৰিছিল। পৰুৱাসমূহ মানুহৰ বাবেও গুৰুত্বপূৰ্ণ “পৰিৱেশ তন্ত্ৰ সেৱা” প্ৰদান কৰে। উদাহৰণস্বৰূপে, শেহতীয়াকৈ কৰা এক অধ্যয়নত দেখা গৈছে যে কৃষকসকলক খাদ্য উৎপাদন কৰাত সহায় কৰাত কীটনাশকতকৈ পিঁপৰা অধিক ফলপ্ৰসূ হ’ব পাৰে। ইউনিভার্ছিটী অৱ ৱেষ্টার্ণ অষ্ট্ৰেলিয়া,ইউনিভার্ছিটী অৱ হংকঙকে ধৰি কেইবাখনো বিশ্ববিদ্যালয়ে এই সমীক্ষা চলাইছিল ৷
