অসমৰ এক আগশাৰীৰ সাহিত্য-সাংস্কৃতিক অনুষ্ঠান ‘অভিনন্দন সাংস্কৃতিক গোষ্ঠী’ৰ দ্বাৰা অনুষ্ঠিত অভিনন্দন বঁটা প্ৰদান অনুষ্ঠানত ৰাজ্যখনৰ এগৰাকী জনপ্ৰিয় তথা বিশিষ্ট লেখক ৰঞ্জু হাজৰিকাক অসমৰ সাহিত্য জগতলৈ তেওঁ আগবঢ়োৱা অৱদানৰ বাবে ‘জীৱন জোৰা সাধনা বঁটা’ প্ৰদান কৰা হয় ৷ ১৬ অক্টোবৰ, ২০২২ তাৰিখ দেওবাৰে গুৱাহাটীৰ ৰূপনগৰত অৱস্থিত স্বতন্ত্ৰ সেনানী ভৱনৰ প্ৰেক্ষাগৃহত অনুষ্ঠিত এক গাম্ভীৰ্যপূৰ্ণ অনুষ্ঠানত সাহিত্যিক গৰাকীক এই বিশেষ সন্মান প্ৰদান কৰা হয় ।
বন্তি প্ৰজ্জ্বলনৰে উক্ত অনুষ্ঠান উদ্বোধন কৰে পদ্মশ্ৰী ডঃ জয়শ্ৰী গোস্বামী মহন্তই। উক্ত সভাত বিশিষ্ট লেখক সমালোচক ডঃ দয়ানন্দ পাঠক, সাংবাদিক হায়দৰ হুছেইন, ডাঃ অঞ্জনজ্যোতি চৌধুৰী, শিক্ষাবিদ ডঃ নৰেশ্বৰ শৰ্মা, অভিনেতা তথা পৰিচালক তৌফিক ৰহমান, সংগীত শিল্পী নন্দ বেনাৰ্জী, গজল গায়ক অনিৰ্বান দাসকে আদি কৰি অসমৰ বহুকেইগৰাকী গণ্য মান্য ব্যক্তি উপস্থিত থাকে।
