আপুনি বাৰু জানেনে যে পৃথিৱীত এনে কিছুমান ৱাইন আছে যাৰ এবিভি (আয়তন অনুসৰি এলকহল) ৮০% বা ৯০% তকৈ অধিক। এই পানীয়সমূহ ইমানেই ভয়াবহ যি পানীয় সেৱনে আপোনাৰ জীৱন ল’ব পাৰে ।
সমগ্ৰ পৃথিৱীজুৰি কিছুমান ডিষ্টিলাৰ আছে যিয়ে তেওঁলোকৰ সুৰাৰ এবিভিৰ বাবে জনাজাত।এনে কিছু পানীয় ৱাইন, ভদকা, হুইস্কি, ৰাম, চিৰাইটা আৰু চেম্পেইনতো ভিন ভিন পৰিমাণত সুৰা থাকে। আজি আপোনালোকক এনে কিছুমান সুৰাৰ ব্ৰেণ্ডৰ বিষয়ে ক’ম য’ত ৫০ শতাংশতকৈ অধিক সুৰা থাকে।
বিয়েৰত ৪-৮% লৈকে আৰু অন্যান্য এলকহল ৪০% লৈকে থাকে।অৱশ্যে ৫০ শতাংশতকৈ অধিক শক্তি থকা পানীয় সাধাৰণতে ভাৰতত উপলব্ধ নহয়। কিন্তু বিশ্বৰ আন ঠাইত এনে কিছুমান পানীয় আছে যিবোৰ পান কৰাটো কঠোৰভাৱে নিষিদ্ধ। যি পানীয়ত দিয়া এটা চুমুকে মানুহক হত্যা কৰিব পাৰে। গুৰুত্বপূৰ্ণ কথাটো হ’ল যে এই বটলবোৰত প্ৰায় এক ডজন সতৰ্কবাণী লিখা থাকে। অৱশ্যে এইবোৰ বজাৰত সহজে উপলব্ধ নহয় আৰু ইয়াক আমদানি কৰিব নোৱাৰি। ইয়াৰ পৰাই বুজিব পাৰি যে ই কিমান বিপদজনক।
উল্লেখযোগ্য যে এই ৱাইন সদায় ককটেল পানীয়ৰ বাবেহে ব্যৱহাৰ কৰা হয় আৰু ইয়াক কেৱল ৰস আদিত মিহলি কৰিহে সেৱন কৰা হয় । অৱশ্যে ইয়াৰ উপৰিও এই সুৰা ঔষধি উদ্দেশ্যৰ বাবেও ব্যৱহাৰ কৰা হয়।
ভাৰতত সুৰাযুক্ত পানীয়ৰ শক্তি জোখাৰ বাবে ব্যৱহৃত একক হৈছে ‘শতাংশ ইথানল পৰিমাণ’ বা % ভিভি। ভাৰতত বিক্ৰী হোৱা সুৰাৰ বটলত সুৰাৰ শতাংশ ৪২.৮% ভিভি বুলি জনা গৈছে। অৰ্থাৎ, ইয়াত ৪২.৮% সুৰা থাকে। একে সময়তে, আমেৰিকাত সুৰাৰ তীব্ৰতা ‘প্ৰুফ’ত জোখা হয়। %ভিভি-ৰ তীব্ৰতা সাধাৰণতে এই ‘প্ৰুফ’ৰ আধা । অৰ্থাৎ ১০০ ‘প্ৰুফ’ অৰ্থাৎ ৫০% ভিভি ।
আহকচোন পৃথিৱীৰ ৭ টা এনে ৱাইনৰ বিষয়ে জানো যি ৱাইনত সুৰাৰ পৰিমাণ বেছি আৰু যিবোৰৰ পান নিষিদ্ধ-
বলকান ১৭৬ ভদকা: ছাৰ্বিয়াত তৈয়াৰ কৰা এই ভদকাত 88 শতাংশ সুৰা থাকে। ইয়াৰ বটলত ১৩ প্ৰকাৰৰ স্বাস্থ্য সতৰ্কবাণী খোদিত কৰা আছে। এই পানীৰ দৰে ভদকা সেৱন কৰাটো বিষ সেৱন কৰাৰ দৰে।
চানছেট ভেৰী ষ্ট্ৰং ৰাম: কেৰিবিয়ান দ্বীপ ছেইণ্ট ভিনচেণ্টৰ এই ৰামত ৮৪.৫ শতাংশ সুৰা আছে।ইয়াক ৰস বা আন যিকোনো বস্তুৰ সৈতে মিহলি কৰিহে সেৱন কৰিব পাৰি ।
বাকাৰ্ডি ১৫১: কেৰিবিয়ান দ্বীপ পুয়েৰ্টো ৰিকোৰ এই ৰামত সুৰাৰ পৰিমাণ ৭৫.৫ শতাংশ ৷ ষ্টীলৰ বটলত ফ্লেম এৰেষ্টাৰ কেপৰ সৈতে অহা এই পানীয় আন পানীয়তকৈ কিছু পৃথক। উচ্চ পৰিমাণৰ সুৰাৰ বাবে ইয়াক জুইৰ পৰা সুৰক্ষিত কৰিবলৈ এনেদৰে পেক কৰা হয়। দাইলৰ পৰা তৈয়াৰ কৰা এই ৰাম পোনপটীয়াকৈ খাব নোৱাৰি ।
বিপদজনক সুৰাযুক্ত পানীয় এভাৰক্লিয়াৰ ১৯০: চুইটকৰ্ণৰ পৰা তৈয়াৰ কৰা এই আমেৰিকান স্পীৰিটত ৯৫ শতাংশ সুৰা থাকে। অত্যাধিক সুৰাৰ বাবে আমেৰিকা যুক্তৰাষ্ট্ৰৰ বহুতো ৰাজ্যতো ইয়াক নিষিদ্ধ কৰা হৈছে। আনহাতে ইয়াৰ বটলত বহুতো সতৰ্কবাণীও প্ৰিণ্ট কৰা হয়। গিনিজ বুক অফ ৱৰ্ল্ড ৰেকৰ্ডছতো লিপিবদ্ধ কৰা হৈছে এই পানীয়ৰ নাম । গুৰুত্বপূৰ্ণ যে ইয়াক এণ্টিবেক্টেৰিয়েল বা ৰুম স্প্ৰে হিচাপেও ব্যৱহাৰ কৰা হয়।
ব্ৰুইচলাডিচ এক্স৪ চতুৰ্গুণ হুইস্কি: স্কটলেণ্ডত নিৰ্মিত, এই হুইস্কিত ৯২% এলকহল থাকে। ইয়াক এতিয়ালৈকে আটাইতকৈ শক্তিশালী একক মল্ট হুইস্কি বুলি দাবী কৰা হৈছে।
হেপচবাৰ্গ এবচিন্থে এক্সচি: এবচিন্থে সেউজীয়া ৰঙৰ। সুৰাৰ তীব্ৰতাৰ ক্ষেত্ৰত ইটালীৰ হেপচবাৰ্গ এবচিন্থো এক্সচিত ৮৯.৯% সুৰা থাকে। ইয়াক আন পানীয়ৰ সৈতে মিহলি কৰি ইয়াক ব্যৱহাৰ কৰা হয়।
পলমোচ স্পিৰিটাছ ৰেক্টিফিকোৱানি ভদকা: পোলেণ্ডৰ এই ভদকা পলমোচ স্পিৰিটাছ ৰেক্টিফিকনিত ৯৬ শতাংশ সুৰা থাকে। ইয়াক ঔষধি উদ্দেশ্যৰ বাবে বা আন ককটেল বা পানীয়ৰ বাবে আধাৰ হিচাপে ব্যৱহাৰ কৰা হয়। ই আটাইতকৈ শক্তিশালী ভদকা।
