শিশু দিৱস উপলক্ষে ১৪ নৱেম্বৰ তাৰিখে গুৱাহাটীৰ হাতীগাঁৱত অৱস্থিত বেচৰকাৰী স্বেচ্ছাসেৱী সংগঠন চি ডি আই চালোৱা (C D I saloa non government organization)ৰ দৰিদ্ৰ শিশু সকলৰ কাষত উপস্থিত হৈ বৃহত্তৰ দিছপুৰ অনুভূতি নাগৰিক মঞ্চই উদযাপন কৰিলে শিশু দিৱস। 
শিশুসকলৰ মাজত বিভিন্ন প্ৰয়োজনীয় সামগ্ৰী বিতৰণ কৰাৰ উপৰিও গীত-মাতৰ এক আকৰ্ষণীয় কাৰ্য্যসূচীৰে আয়োজন কৰা শিশু দিৱস উদযাপনৰ এই সুন্দৰ মূহুৰ্তত নিমন্ত্ৰিত অতিথি হিচাপে উপস্থিত থাকে এইচ. আৰ. ডি. ট্ৰাষ্টৰ স্বত্তাধিকাৰী বাহাদুৰ ইছলাম।লগতে বেচৰকাৰী স্বেচ্ছাসেৱী সংগঠন চি ডি আইৰ ফালৰ পৰা অনুষ্ঠানটোত উপস্থিত থাকে মণিকা দাস, নীলুফা বেগম, লাল বয়,কৰপজিত কলিতা আদি । লগতে উপস্থিত থাকে দুগৰাকী শিক্ষয়িত্ৰী ক্ৰমে আৰজিনা বেগম আৰু মুন্নী খাতুন।
আনহাতে বৃহত্তৰ দিছপুৰ অনুভূতি নাগৰিক মঞ্চৰ হৈ শিশু দিৱস উদযাপনৰ অনুষ্ঠানটিত উপস্থিত থাকে মানসী আদিল, পাৰবীন হুছেইন, ইউছুফ আলম চৌধুৰী,মমী ৰহমান,অনুৱাৰা বেগম,সাজিদা বেগম আৰু গীতালি বিষয়াকে আদি কৰি কেইবাগৰাকীও গন্য মান্য ব্যক্তি ।
