প্ৰাতঃস্মৰণীয়…

আজি পঞ্জাব কেশৰী লালা লাজপত ৰায়ৰ স্মৃতি দিৱস । তেওঁ আছিল এগৰাকী আগশাৰীৰ স্বাধীনতা সংগ্ৰামী আৰু লেখক । ভাৰতৰ স্বাধীনতা সংগ্ৰামৰ ত্ৰিমূৰ্তি লাল-বাল-পালৰ অন্যতম আছিল তেওঁ । তেওঁ আৰ্য সমাজৰ সদস্য আছিল । আৰ্য গেজেটৰ তেওঁ প্ৰতিষ্ঠাপক সম্পাদক আছিল । দ্য ট্ৰিবিউনকে ধৰি একাধিক কাকতত তেওঁ লেখা-মেলা কৰিছিল । ১৯১৭ চনৰ অক্টোবৰত তেওঁ নিউয়ৰ্কত আমেৰিকাৰ ভাৰতীয় হোম ৰুল লীগ প্ৰতিষ্ঠা কৰে । ছাইমন কমিছন ভাৰতলৈ অহাৰ সময়ত তেওঁ শান্তিপূৰ্ণ প্ৰতিবাদী কাৰ্যসূচীত যোগদান কৰোঁতে আৰক্ষীৰ প্ৰহাৰত বেয়াকৈ আঘাতপ্ৰাপ্ত হয় আৰু তাৰ কিছুদিন পিছতে ১৯২৮ চনৰ আজিৰ দিনটোত তেওঁৰ দেহাৱসান ঘটে । স্বাধীনতা সংগ্ৰামীগৰাকীলৈ আমাৰ প্ৰণাম ।