প্ৰকাশ”ৰ উদ্যোগত গল্পৰ আবেলি

আজি বিয়লি ৩ বজাত গ্ৰন্থমেলাৰ প্ৰেক্ষাগৃহত “প্ৰকাশ”ৰ উদ্যোগত অনুষ্ঠিত হয় “গল্পৰ আবেলি” ৷“গল্পৰ আবেলি” সঞ্চালনা কৰি বিশিষ্ট গল্পকাৰ বিতোপন বৰবৰাই কয় যে গল্পৰ বিষয়ে আয়োজন কৰা এই অনুষ্ঠানে গল্প কথকসকলক উপকৃত কৰিব ৷ গল্প এটাৰ বিষয় নিৰ্বাচন, ভাষাৰ ওপৰত নিয়ন্ত্ৰণ আৰু নিৰ্মাণ সন্দৰ্ভত ইয়াত গল্পকাৰসকলে মতবিনিময় কৰাৰ সুযোগ লাভ কৰে ৷ এনে অনুষ্ঠানে গল্পকাৰসকলক লিখিবলৈ উৎসাহিত কৰে আৰু উত্তৰণৰ কছৰৎ কৰিবলৈ তাগিদা দিয়ে ৷ইয়াত অংশগ্ৰহণ কৰে অৰূপ কুমাৰ নাথ , অপু ভৰদ্বাজ , মনীকা দেৱী , নমিতা বৈশ্য , বিপাশা বৰা , পংকজ কুমাৰ দত্ত , পাপৰি বৰ্মন , জুৰি বৰুৱা , অভিজিৎ বৰা আদি গল্পকাৰ সকলে ৷