সাংবাদিক নীতালি শৰ্মা দত্তৰ নৱতম গ্ৰন্থ “ৰ’দ ফুলে মধুবনত” ৰ আজি শুভ উন্মোচন কৰা হয়৷ গুৱাহাটীত চানমাৰিত অনুষ্ঠিত অসম গ্ৰন্থমেলাৰ জেএচ পাব্লিকেচনৰ বিপণীত গ্ৰন্থখন উন্মোচন কৰে “প্ৰকাশ” আলোচনীৰ সম্পাদক তথা বিশিষ্ট সাংবাদিক মিহিৰ দেউৰী, প্ৰাগ নিউজৰ সহযোগী সম্পাদক দেৱজিত ভূঞা, প্ৰাগ নিউজ ডিজিটেলৰ সম্পাদক তথা চিন্তাবিদ জিতুমণি বৰা, দ্য আচাম ট্ৰিবিউন কাকতৰ জ্যেষ্ঠ সাংবাদিক শিৱাশীষ ঠাকুৰ আৰু জেএচ পাব্লিকেচনৰ স্বত্বাধিকাৰী প্ৰণৱ হাজৰিকাই৷
জেএচ পাব্লিকেচনে প্ৰকাশ কৰি উলিয়োৱা “ৰ’দ ফুলে মধুবনত” নীতালি শৰ্মা দত্তৰ দ্বিতীয় ছপা উপন্যাস৷ ইয়াৰ পূৰ্বে নীতালি শৰ্মা দত্তৰ প্ৰথম উপন্যাস “মেঘৰ সাধু” ডিব্ৰুগড়ৰ প্ৰকাশন গোষ্ঠী “বনলতা”ই প্ৰকাশ কৰি উলিয়াইছিল৷
