ভাৰতবৰ্ষ এনে এখন বৈচিত্ৰ্যপূৰ্ণ দেশ য’ত আপুনি দেশৰ প্ৰতিটো প্ৰান্ততেই বিভিন্ন খাদ্যৰ সোৱাদ ল’ব পাৰে। দেশখনৰ বিভিন্ন চহৰ বিভিন্ন সোৱাদৰ বাবে বিখ্যাত আনহাতে কিছুমান আকৌ বিখ্যাত ৰাজপথৰ খাদ্যৰ বাবে ।
ভাৰতৰ কিছুমান চহৰ বিখ্যাত মিঠাইৰ বাবে । কিয়নো আহাৰ খোৱাৰ পিছত কিবা মিঠা খোৱাটো আমাৰ ভাৰতীয় সকলৰ এক পৰম্পৰা। আনহাতে আমাৰ দেশত এনে কিছুমান মানুহ আছে যি মিঠাইৰ প্ৰতি আকৰ্ষিত । আজি ক’বলৈ ওলাইছো তেনে কেইখনমান চহৰৰ বিশেষ মিঠাইৰ বিষয়ে যি সমগ্ৰ বিশ্বতে স্বীকৃতি লাভ কৰিছে আৰু ইয়াত মিঠাইৰ সোৱাদ ল’বলৈ হাজাৰ হাজাৰ মাইল দূৰৰ পৰা পৰ্যটকে ভীৰ কৰি আহিছে।
কলকাতাক ভাৰতৰ এখন মিঠা চহৰ বুলি গণ্য কৰা হয় কাৰণ ইয়াৰ প্ৰতিটো গলি আৰু প্ৰতিটো স্থানীয় অঞ্চলত উপলব্ধ বিভিন্ন ধৰণৰ মিঠাই । ইয়াৰ ‘নোলেন গুৰ পায়েশ’ নামৰ স্থানীয় এবিধ সুস্বাদু পায়স অতি বিখ্যাত ৷ লগতে নাৰিকল ,গাখীৰ, আৰু বাদামেৰে তৈয়াৰী পাতিচাপ্টা এবিধ সুস্বাদু পিঠা ৷ লগতে কলিকতাৰ সন্দেশ বিচাৰি আপুনি যাব পাৰে ভীম চন্দ্ৰ নাগৰ দোকানলৈ ৷ কলিকতা ৰসগোল্লাৰ বাবেও বিখ্যাত ।
সকলোৱে অৱসৰৰ দিন কটাবলৈ গোৱালৈ গৈ ভাল পায়। ইয়াত সাগৰৰ পাৰত বন্ধু-বান্ধৱীৰ সৈতে সূৰ্যাস্ত চোৱাৰ মজা বেলেগ। গোৱা সাগৰীয় খাদ্যৰ বাবেও অতি জনপ্ৰিয় ৷ ইয়াৰ উপৰিও ইয়াৰ বেম্বিকা বা বিবিক নামৰ ডেজাৰ্ট অতি জনপ্ৰিয়।যি হ’ল গোৱাৰ পৰম্পৰাগত লেয়াৰ কেক কম পুডিং। এটা পৰম্পৰাগত বেম্বিকাত সাতৰ পৰা ১৬টা তৰপ থাকে, যিবোৰ ৰুচি অনুসৰি ভিন্ন কৰিব পাৰি। যদি আপুনি আপোনাৰ পৰৱৰ্তী ছুটীত গোৱালৈ যোৱাৰ পৰিকল্পনা কৰিছে, তেন্তে এই কেক-পুডিং উপভোগ কৰক।
নবাবৰ নগৰ লক্ষ্ণৌ যুগ যুগ ধৰি খাদ্যৰ বাবে বিশ্ব বিখ্যাত। সমগ্ৰ বিশ্বৰ খাদ্য ৰসিকসকলে নগৰখনত এই সোৱাদ উপভোগ কৰে। কাবাব আৰু বিৰিয়ানীৰ বাহিৰেও ইয়াত বহুতো খাদ্য পোৱা যায়। যদি আপুনি শীতকালত ইয়ালৈ যায় তেন্তে বিভিন্ন ধৰণৰ মিঠায়ো আছে যি সকলোকে আকৰ্ষণ কৰে। ক’লা বিলাহীৰ পুডিং, বাটাৰ ক্ৰীম, ৰেভডি, ৰয়েল পিচ, ক্ৰীম গিলৰি আৰু বিভিন্ন ধৰণৰ পেৰা লক্ষ্ণৌৰ জনপ্ৰিয় মিঠাই ।
অমৃতসৰক খাদ্যপ্ৰেমীৰ মক্কা বুলিও জনা যায়। যদিও এই চহৰখন ঘিউত ডুবাই থোৱা তন্দুৰী টিক্কা আৰু পৰঠাৰ বাবে বিশ্বজুৰি পৰিচিত, অমৃতসৰ মিঠাই প্ৰেমীসকলৰ বাবেও স্বৰ্গতকৈ কম নহয়। অমৃতসৰৰ বেচন লাদ্দু আৰু পিন্নী সকলোৰে প্ৰিয় । অমৃতসৰৰ ৰাজপথ আৰু পথসমূহতো সুস্বাদু ফিৰনি আৰু গৰম জেলেপী দেখা যায়। আনহাতে এই চহৰখন ভ্ৰমণ কৰি যদি আপুনি ক্ৰীমযুক্ত লাচীৰ সোৱাদ লোৱা নাই, তেন্তে আপুনি একো সোৱাদেই লোৱা নাই। ইয়াত থকা আম আৰু কেশৰ লাছি, ফ্ৰুট ক্ৰীম আৰু কুলফা এই সকলোবোৰেই সঁচাকৈয়ে বিশেষ।
মণিপুৰ উত্তৰ-পূব ভাৰতৰ এখন অত্যন্ত ধুনীয়া ৰাজ্য। সেউজীয়া উপত্যকাৰে আগুৰি থকা উত্তৰ-পূৰ্বাঞ্চলৰ এই চহৰখন ধ্ৰুপদী ভাৰতীয় নৃত্য শৈলীৰ বাবে জনাজাত। কিন্তু ইয়াৰ এবিধ জনপ্ৰিয় মিঠাইৰ বিষয়ে বহতেই হয়তো অৱগত নহয় । ‘মধুৰজন থংবা’ মণিপুৰৰ এবিধ বিখ্যাত মিঠা ব্যঞ্জন ৷ ই হ’ল গাঢ় মিঠা গাখীৰত তিয়াই নাৰিকলৰ লগত পৰিবেশন কৰা বেচনৰ ডাম্পলিং। যদি কেতিয়াবা মণিপুৰলৈ যায় তেন্তে শাস্ত্ৰীয় নৃত্যৰ লগতে এই সুস্বাদু ব্যঞ্জনৰ সোৱাদো নিশ্চয় লওঁক ।
