গুৱাহাটী, ১৩ জানুৱাৰী: মহানগৰীৰ ভৰলুমুখস্থিত ঐতিহ্যমণ্ডিত সোণাৰাম উচ্চতৰ মাধ্যমিক বিদ্যালয়ৰ বটাঁ বিতৰণী সভাখন আজি অনুষ্ঠিত হৈ যায় । সোণাৰাম হাইস্কুল প্ৰাংগনত অনুষ্ঠিত হোৱা এই অনুষ্ঠানত মুখ্য অতিথি হিচাপে উপস্থিত থাকে অসম চৰকাৰৰ প্ৰাথমিক শিক্ষা বিভাগৰ উপ সঞ্চালক প্ৰসন্ন বৰা ।
বৰাই ছাত্ৰ- ছাত্ৰী সকলৰ অধ্যয়ন আৰু অভিভাৱক সকলৰ দায়িত্ববোধৰ ওপৰত ভাষণ প্ৰদান কৰে। আনহাতে বটাঁ বিতৰণী অনুষ্ঠানত প্ৰাগজ্যোতিষ মহাবিদ্যালয়ৰ অধ্যক্ষ ড৹ মনোজ মহন্তই শিক্ষাৰ্থীসকলৰ অধ্যয়ন আৰু কৰ্মযোগিতাৰ ওপৰত সাৰুৱা ভাষণ দিয়ে। পুৱা ১০:৩০ বজাত বঁটা বিতৰণী অনুষ্ঠানত পতাকা উত্তোলন কৰে সোণাৰাম উচ্চতৰ মাধ্যমিক বিদ্যালয়ৰ অধ্যক্ষ মঞ্জুৰাণী বৰ্মনে। উল্লেখযোগ্য যে এই বটাঁ বিতৰণী সভাত বিদ্যালয়ৰ বাৰ্ষিক সপ্তাহৰ অনুষ্ঠিত খেল ধেমালিৰ পুৰস্কাৰ ছাত্ৰ ছাত্ৰীক প্ৰদান কৰা হয়।
আনহাতে আজিৰ এই বটাঁ বিতৰণী অনুষ্ঠানত বিদ্যালয়ত পাৰিষদ মঞ্জু বৰা,প্ৰাক্তন ছাত্ৰ ধ্ৰুৱজ্যোতি মৰলকে ধৰি সভাপতি মালবিকা চৌধুৰী,জ্যেষ্ঠ সাংবাদিক নয়নজ্যোতি তালুকদাৰ লগতে প্ৰাক্তন ছাত্ৰ হেমেন শৰ্মাৰ উপৰিও শিক্ষক- শিক্ষয়িত্ৰী,ছাত্ৰ ছাত্ৰী সকল উপস্থিত থাকে।
