আজি ইং ২১ জানুৱাৰী, ২০২৩ তাৰিখে অহা ২৪ জানুৱাৰীত দেশজুৰি পালন হবলগীয়া ৰাষ্ট্ৰীয় কন্যা শিশু দিৱসৰ লগত সংগতি ৰাখি কামৰূপ মহানগৰ জিলাৰ জিলা প্ৰশাসন আৰু মহিলা ও শিশু বিকাশ বিভাগে ৰূপায়ন কৰা সপ্তাহজোৰা কাৰ্যসূচীৰ অংশ হিচাপে বেতকুছি উচ্চতৰ মাধ্যমিক বিদ্যালয়ৰ খেলপথাৰত এখনি জিলা পৰ্য্যায়ৰ ৰ্আন্তঃ বিদ্যালয় কাবাডি প্ৰতিযোগিতা অনুস্থিত কৰা হয়।
জিলাখনৰ শিক্ষা বিভাগ তথা ক্ৰীড়া বিষয়াৰ কাৰ্য্যালয়ৰ সহযোগিতাত আয়োজিত উক্ত কাবাডি প্ৰতিযোগিতাত জিলা খনৰ বিভিন্ন বিদ্যালয়ৰ প্ৰায় ১৪০গৰাকী ছাত্ৰীয়ে অংশগ্ৰহণ কৰে। দলৰ মাজত অনুস্থিত হোৱা উক্ত প্ৰতিযোগিতাত বেতকুছি উচ্চতৰ মাধ্যমিক বিদ্যালয়ৰ দল জয়ী হয়। খেলৰ আৰম্ভণিতে ক্ৰীড়া বিভাগ,শিক্ষা বিভাগ আৰু মহিলা ও শিশু বিকাশ বিভাগৰ বিষয়া কৰ্মচাৰী উপস্থিত থাকি শুভাৰম্ভণি ভাষণেৰে প্ৰতিযোগীসকলক উৎসাহিত কৰে।
