৯ বছৰ পূৰ্বে প্ৰধানমন্ত্ৰী নৰেন্দ্ৰ মোদীয়ে নিজেই এই অভিযোগ উত্থাপন কৰিছিল। শুকুৰবাৰে তেওঁৰ দল বিজেপি নেতৃত্বাধীন হাৰিয়ানা চৰকাৰে আদালতত এই অভিযোগ ‘মিছা’ বুলি মানি লৈছিল! পঞ্জাৱ আৰু হাৰিয়ানা উচ্চ ন্যায়ালয়ে শপতনামাযোগে কয় যে কংগ্ৰেছ নেত্ৰী প্ৰিয়ংকা গান্ধীৰ স্বামী ৰবাৰ্ট ভাদ্ৰাৰ বিৰুদ্ধে ভূমি কেলেংকাৰীৰ কোনো প্ৰমাণ নাই।
হাৰিয়ানাৰ বিজেপিৰ মুখ্যমন্ত্ৰী মনোহৰলাল খট্টৰৰ চৰকাৰে আদালতত কয় যে গুৰুগ্ৰামত ৰবাৰ্টৰ প্ৰতিষ্ঠান স্কাইলাইট হস্পিটেলিটি আৰু ৰিয়েল এষ্টেট প্ৰতিষ্ঠান ডিএলএফৰ মাজত হোৱা মাটিৰ চুক্তিত এতিয়াও কোনো অবৈধতা পোৱা নাই। শপতনামাত লিখা আছে, “স্কাইলাইট হস্পিটেলিটিয়ে ২০১২ চনৰ ১৮ ছেপ্টেম্বৰত ডি এল এফ ইউনিভাৰ্চেল লিমিটেডক ৩.৫ একৰ মাটি বিক্ৰী কৰিছিল। মানেছাৰৰ তাহচিলদাৰ (জিলা ৰাজ্যপাল)য়ে সেই লেনদেনত অনিয়ম হোৱা বুলি খবৰ দিছিল।”
হাৰিয়ানা আৰক্ষীয়ে এতিয়াও ৰবাৰ্টৰ কোম্পানীৰ ভূমি চুক্তিৰ বিত্তীয় লেনদেনৰ তদন্ত অব্যাহত ৰাখিছে, শপতনামাত কোৱা হৈছে যে, “২০২৩ চনৰ ২২ মাৰ্চত এই সন্দৰ্ভত বিশেষ তদন্তকাৰী দল (এছ আই টি) গঠন কৰা হৈছে। ” প্ৰসংগক্ৰমে উল্লেখ কৰিব পাৰি যে ডি এল এফৰ সৈতে বাদ্ৰাৰ ভূমি চুক্তি ২০১২ চনত হাৰিয়ানাৰ ভূমি ৰাজহ বিষয়া অশোক খেমকাই খাৰিজ কৰে। কিন্তু হাৰিয়ানাৰ তদানীন্তন কংগ্ৰেছৰ মুখ্যমন্ত্ৰী ভূপেন্দ্ৰ সিং হুডাৰ চৰকাৰে পৰৱৰ্তী সময়ত বিষয়টোৰ ওপৰত এখন তদন্ত সমিতি গঠন কৰে। যোৱা জুলাই মাহত কমিটীয়ে প্ৰকাশ কৰিছিল যে ৰবাৰ্টৰ মাটিৰ চুক্তি বৈধ।
২০১৪ চনৰ অক্টোবৰ মাহত হাৰিয়ানাত বিধানসভা নিৰ্বাচনৰ প্ৰচাৰ চলাই থকা সময়ত প্ৰধানমন্ত্ৰী নৰেন্দ্ৰ মোদীয়ে পুনৰ ‘ছোনিয়া গান্ধীৰ জোঁৱাই’ৰ বিৰুদ্ধে ভূমি দুৰ্নীতিৰ অভিযোগ উত্থাপন কৰিছিল। সেই বিধানসভা নিৰ্বাচনত কংগ্ৰেছক পৰাস্ত কৰি বিজেপি ক্ষমতালৈ আহিছিল। কেইবছৰমান পিছত খট্টৰ চৰকাৰৰ আৰক্ষীয়ে ৰবাৰ্ট আৰু হুডাৰ বিৰুদ্ধে এফআইআৰ দাখিল কৰি তদন্ত কৰে। কংগ্ৰেছে অৱশ্যে আৰম্ভণিৰে পৰাই স্পষ্ট কৰি দিছে যে ৰবাৰ্ট ভাদ্ৰাৰ কোম্পানীয়ে ২০০৮ চনত এটা বাণিজ্যিক অঞ্চলৰ সাড়ে তিনি একৰ মাটি সকলো ষ্টাম্প কৰসহ ক্ৰয় কৰিছিল। ইয়াৰ পিছত তেওঁ লাইচেন্স লাভ কৰিছে । ন্যায্য কৰ নিষ্পত্তি কৰি ২০২০ চনত ডি এল এফক এই মাটি বিক্ৰী কৰিছিল। সমগ্ৰ প্ৰক্ৰিয়াটোত কোনো অনিয়ম হোৱা নাছিল। শুকুৰবাৰে কাৰ্যতঃ স্বীকাৰ কৰে মোদী নেতৃত্বাধীন হাৰিয়ানা চৰকাৰে।
