কোৱা হয় কুকুৰ প্ৰভূ ভক্ত ৷ আপোনাৰ সংগ কেতিয়াও এৰি নাযায় কুকুৰে ৷ এই কথা শেহতীয়াকৈ আন এটা ঘটনাই পুনৰ প্ৰমানিত কৰিলে ৷এজন লোকে নিজৰ মৰমৰ পোহনীয়া কুকুৰটোক আন এজন লোকক গতাই দিবলৈ বাধ্য হয় । কিন্তু নতুন মালিকক মানি ল’ব নোৱাৰা কুকুৰটোৱে নতুন মালিকৰ ঘৰৰ পৰা পলাই ৪০ মাইল খোজ কাঢ়ি পুৰণি মালিকৰ ওচৰলৈ ওভতি আহে ৷ আয়াৰলেণ্ডত সংঘটিত হৈছে এই ঘটনা।
উত্তৰ আয়াৰলেণ্ডৰ কাউন্টি টাইৰনত থকা নিজৰ নতুন ঘৰত উপস্থিত হোৱাৰ কিছু সময়ৰ পিছতে কুপাৰ নামৰ কুকুৰটোৱে গাড়ীৰ পৰা জপিয়াই নামি যায়। ইয়াৰ পিছত প্ৰায় এমাহ ধৰি তেওঁৰ কোনো সন্ধান নাছিল। ২৭ দিনৰ পাছত তেওঁ প্ৰায় ৪০ মাইল (৬৪ কিলোমিটাৰ) যাত্ৰা কৰি ট’বাৰম’ৰৰ পৰা নিজৰ মূল মালিকসকলৰ ওচৰলৈ উভতি আহে।
‘লোষ্ট পা’ নামৰ এটা স্বেচ্ছাসেৱী সংস্থাক কুপাৰক বিচাৰি উলিওৱাৰ দায়িত্ব দিয়া হৈছে। কুপাৰক বিচাৰি পোৱাৰ পিছত তাত এজন বিষয়াই কয় “মালিকৰ প্ৰতি প্ৰকৃত প্ৰেম অবিহনে এই কাম কৰিব নোৱাৰি। খাদ্য অবিহনে, আশ্ৰয় অবিহনে, সহায় অবিহনে তেওঁ এই কামটো কৰিবলৈ সক্ষম হৈছিল কেৱল নিৰ্মল দৃঢ়তাৰে, সক্ৰিয় ঘ্ৰাণশক্তিৰ দ্বাৰা। আগতে কেতিয়াও নোযোৱা ঠাইৰ পৰা ঘূৰি অহাটো তেওঁৰ বাবে সহজ নাছিল। আমি তেওঁক উদ্ধাৰ কৰোঁ। “
