ফোনটোৰ ‘কণ্টেক্ট লিষ্ট’ত নম্বৰটো চেভ কৰা নাই যদিও হোৱাটছএপত অচিনাকি নম্বৰৰ পৰা কল আহি আছে! এনে ঘটনাই দৈনন্দিন কামৰ ব্যস্ততাত বিৰক্তিৰ সৃষ্টি কৰাটো নিশ্চিত। এণ্ড্ৰইড আৰু আইফোন ব্যৱহাৰকাৰীৰ বাবে কঢ়িয়াই আনিছে হোৱাটছএপ কোম্পানীয়ে ভাল খবৰ। তেওঁলোকে হোৱাটছএপ ব্যৱহাৰকাৰীৰ সমস্যাৰ কথা মনত ৰাখি নতুন নতুন বৈশিষ্ট্য প্ৰৱৰ্তন কৰিছে। অতি সোনকালে গ্ৰাহকে অচিনাকি নম্বৰৰ পৰা অহা ফোনৰ সমস্যাৰ পৰা মুক্তি পাব ৷
কোম্পানীটোৰ মতে, যিটো নম্বৰ হোৱাটছএপ গ্ৰাহকৰ ‘কন্টাক্ট লিষ্ট’ত চেভ কৰা নাথাকে, সেই নম্বৰৰ পৰা ফোন কৰিলেও গ্ৰাহকে আৰু বিৰক্ত হ’ব নালাগে ৷ তেওঁ কয়, যদি ফোনটো কোনো অচিনাকি নম্বৰৰ পৰা আহে তেন্তে এপত আৰু নটিফিকেচনত দেখুৱালেও পৃথকে বাজি নাথাকে। অৰ্থাৎ ফোনটো হাতত নাথাকিলে হোৱাটছএপ ব্যৱহাৰকাৰীয়ে গম নাপাব যে কোনোবাই অচিনাকি নম্বৰৰ পৰা ফোন কৰিছে।যিকোনো গ্ৰাহকে তেওঁলোকৰ হোৱাটছএপৰ ছেটিংছ সলনি কৰি এই সুবিধা লাভ কৰিব পাৰে। ছেটিংছৰ পৰা প্ৰাইভেচি অপচনলৈ যোৱাৰ পিছত যদি হোৱাটছএপ ব্যৱহাৰকাৰীসকলে কল অপচনলৈ যায় তেন্তে চাইলেন্স আননউন কলার্ছ( ‘Silence Unknown Callers’ )নামৰ এটা বিকল্প থাকিব। এই বিকল্পটো বাচনি কৰিলে সমস্যাটো সমাধান হ’ব।
ইয়াৰ পিছত অচিনাকি নম্বৰৰ পৰা ফোন আহিলেও গ্ৰাহকে অশান্তি লাভ নকৰে ৷শেহতীয়াকৈ হোৱাটছএপ ব্যৱহাৰকাৰীসকলে টুইটাৰত অভিযোগ কৰে যে ভাৰতীয় হোৱাটছএপ ব্যৱহাৰকাৰীসকলে ইণ্ডোনেছিয়া, ভিয়েটনাম, মালয়েছিয়া, কেনিয়া আৰু ইথিওপিয়াৰ বিভিন্ন প্ৰান্তৰ পৰা ‘স্পেম কল’ লাভ কৰিছে। অভিযোগৰ সংখ্যা ধাৰাবাহিকভাৱে বৃদ্ধি পোৱাৰ বাবে গ্ৰাহকৰ সমস্যা সমাধানৰ বাবে এই সমাধান আনিছে হোৱাটছএপ কোম্পানীয়ে।৷
