বলিউডৰ তিনিগৰাকী জনপ্ৰিয় অভিনেত্ৰী প্ৰিয়ংকা চোপ্ৰা, দীপিকা পাডুকন আৰু অনুষ্কা শৰ্মা। বি –টাউনত যথেষ্ট আলোচনা হয় এই তিনি গৰাকী তাৰকাৰ নাম। আনকি কেৱল বলিউডতে সীমাবদ্ধ নাথাকি আন্তৰ্জাতিক স্তৰতো নিজৰ প্ৰতিভাৰ জৰিয়তে নাম-যশ কঢ়িয়াই আনিবলৈ সক্ষম হৈছে এই অভিনেত্ৰী কেইগৰাকীয়ে।
উল্লেখ্য যে একাধিকবাৰ চহকী তৰকাৰ শিতানত নাম অন্তৰ্ভূক্ত হৈছে দীপিকা , প্ৰিয়ংকা আৰু অনুষ্কাৰ নাম। বলীউডৰ আটাইতকৈ বেছি মাননি লোৱা আৰু বিশাল ধন-সম্পত্তিৰ অধিকাৰী এই তাৰকা কেইগৰাকীৰ কোনো এগৰাকী আনগৰাকীতকৈ কম নহয়।
Filmysiyappa.com ত প্ৰকাশিত এক প্ৰতিবেদন অনুসৰি দীপিকা পাডুকন ৩৫১ কোটি টকাৰ সম্পত্তিৰ মালিক। নিজৰ কঠোৰ পৰিশ্ৰম আৰু দক্ষতাৰ জৰিয়তে বলিউডৰ আন বহুতো নামী-দামী অভিনেত্ৰীৰ মাজত শীৰ্ষস্থান অধিকাৰ কৰিবলৈ সক্ষম হৈছে এইগৰাকী অভিনেত্ৰীয়ে।
আনহাতে দেশী গাৰ্লখ্যাত প্ৰিয়ংকা চোপ্ৰাই কেৱল বলিউডতে নহয় ,আন্তৰ্জাতিক ক্ষেত্ৰতো এক নামী তাৰকা হিচাপে জনপ্ৰিয়তা লাভ কৰিছে। Newsable.asianetnews.com- ৰ এক প্ৰতিবেদন অনুসৰি প্ৰিয়ংকা চোপ্ৰা ২২৫ কোটি টকাৰ সম্পত্তিৰ মালিক।
উল্লেখ্য যে Filmysiyappa.com-ৰ এক প্ৰতিবেদন মতে ২৬৪ কোটি টকাৰ সম্পত্তিৰ মালিক অনুষ্কা শৰ্মা। এই তাৰকা গৰাকী কেৱল অভিনেত্ৰী হিচাপেই নহয় , বলিউডৰ প্ৰযোজক হিচাপেও পৰিচিত।
প্ৰাপ্ত তথ্য মতে তিনিওগৰাকী বলিউডৰ সকলোতকৈ বেচি পাৰিশ্ৰমিক লোৱা অভিনেত্ৰী ।
