দহ বছৰৰ ওপৰৰ কিশোৰী স্কুললৈ যোৱাৰ প্ৰয়োজন নাই! আফগানিস্তানৰ কেইবাটাও অঞ্চলত তালিবানে এই ফাতোৱা জাৰি কৰিছে। তৃতীয় শ্ৰেণীৰ ওপৰৰ শ্ৰেণীত ছোৱালীক নামভৰ্তি কৰাৰ প্ৰয়োজন নাই বুলি নির্দেশনা দিছে তালিবানে । এই খবৰ আন্তঃৰাষ্ট্ৰীয় সংবাদ মাধ্যমত প্ৰকাশ পাইছে।
ডিচেম্বৰৰ শেষৰফালে কলেজ আৰু বিশ্ববিদ্যালয়ত ছোৱালীৰ পঢ়া-শুনাত নিষেধাজ্ঞা আৰোপ কৰা হৈছিল। সকলো চৰকাৰী আৰু বেচৰকাৰী বিশ্ববিদ্যালয়লৈ লিখা এখন পত্ৰত উচ্চ শিক্ষা মন্ত্ৰী নেদা মহম্মদ নদীমে কয় যে পৰৱৰ্তী জাননী নিদিয়ালৈকে ছোৱালীৰ পঢ়া-শুনা বন্ধ কৰি দিব লাগে। যাৰ বাবে আন্তৰ্জাতিক মহলত তীব্ৰ প্ৰতিক্ৰিয়াৰ সৃষ্টি হৈছে। তালিবানৰ সূত্ৰই সেই সময়ত দাবী কৰিছিল যে এই ব্যৱস্থা অস্থায়ী। নতুন নিয়ম প্ৰণয়ন কৰি পুনৰ শিক্ষা আৰম্ভ কৰা হ’ব। কিন্তু এই কেইমাহমানৰ ভিতৰত কোনো সুনিৰ্দিষ্ট পদক্ষেপ দেখা পোৱা নাই।
কাপোৰেৰে মূৰ ঢাকি, পুৰুষ অভিভাৱক লৈ শিক্ষানুষ্ঠানলৈ যোৱা, সুকীয়া দুৱাৰেদি সোমোৱা, কেৱল মহিলা শিক্ষকৰ সৈতে ক্লাছ লোৱা, ইফালে সিফালে অলপ শিক্ষা চলি আছে। তদুপৰি মাধ্যমিক পৰ্যায়ৰ শিক্ষাৰ ক্ষেত্ৰতো বিভিন্ন নিষেধাজ্ঞা আৰোপ কৰা হৈছে। ষষ্ঠ শ্ৰেণীৰ পিছত ছোৱালীক বিদ্যালয়লৈ আহিবলৈ দিয়া উচিত নহয় বুলি প্ৰশাসনে জানিবলৈ দিয়ে। স্কুল-কলেজ, জিম-পাৰ্ক-বিউটি পাৰ্লাৰত ছোৱালীৰ বাবে নিষেধাজ্ঞা আৰোপ কৰা হৈছে। এইবাৰ প্ৰাথমিক পৰ্যায়ৰ শিক্ষাতো ছোৱালীক বাধা আৰোপ কৰি আহিছে ৷গাজনী প্ৰদেশৰ শিক্ষা মন্ত্ৰালয়ে প্ৰকাশ কৰিছে যে ১০ বছৰৰ ওপৰৰ ছোৱালীক প্ৰাথমিক বিদ্যালয়ত নামভৰ্তি কৰিব নোৱাৰিব।
