ৰাজ্যৰ মাজেৰে অব্যাহত আছে বার্মিজ চুপাৰিৰ চোৰাং বেহা ৷ এইবাৰ লামডিং ৰে’ল ষ্টেচনত জব্দ কৰা হৈছে বুজন পৰিমাণৰ বাৰ্মিজ চুপাৰি ৷ আগৰতলা-শিয়ালদহ কাঞ্চনজংঘা এক্সপ্ৰেছৰ পৰা জব্দ কৰা হয় চুপাৰিখিনি। এটা দবাৰ পৰা ১৮০ বস্তা চুপাৰি জব্দ কৰা হয় ৷
উল্লেখ্য যে বিশেষ সূত্ৰে খবৰ লাভ কৰাৰ পাছতে আৰপিএফ আৰু আৰক্ষীৰ যুটীয়া দলে ৰে’লখনত অভিযান চলায় ৷এই অভিযানতে চুপাৰিৰ বস্তাসমূহ জব্দ কৰা হয় ৷ অৱশ্যে এই সন্দর্ভত কোনো লোক গ্ৰেপ্তাৰ হোৱা নাই ৷ আৰক্ষীয়ে সদৰী কৰা অনুসৰি জব্দ হোৱা চুপাৰিৰ মূল্য ৫০ লাখ টকা বুলি জানিব পৰা গৈছে ৷ কোন লোকে এই চুপাৰিসমূহ চোৰাংভাৱে প্ৰেৰণ কৰিছিল তাৰ অনুসন্ধান অব্যাহত ৰাখিছে আৰক্ষীয়ে ৷
