নগাঁৱৰ কচুৱাত হেৰ’ইন আৰু ভাং জব্দ,আটক তিনি

ঋতু পৰ্ণ শৰ্মা,নগাঁও,২৬আগষ্ট :–নগাঁও জিলাৰ কচুৱাত যোৱা নিশা আৰক্ষীৰ ড্রাগছ বিৰোধী অভিযানত আৰক্ষীয়ে বুজন পৰিমাণৰ ড্রাগছ আৰু গাঞ্জা জব্দ কৰে । লগতে গ্ৰেপ্তাৰ কৰে তিনিজনকৈ সৰবৰাহকাৰীক। কচুৱা আৰক্ষীয়ে গোপন সূত্ৰৰ খবৰৰ ভিত্তিত কচুৱা আৰক্ষী থানাৰ অন্তৰ্গত সোণাৰুগুৰিৰ দিলোৱাৰ হুছেইনৰ নামৰ লোকজনৰ বাসগৃহত এক অভিযান চলাইছিল । কচুৱা থানাৰ ভাৰপ্ৰাপ্ত আৰক্ষী বিষয়া ৰাজা ঈৰশ্বাদৰ নেতৃত্বত চলা এই অভিযানত দুটা চাবোনৰ বাকচত ২৬.০২০কিল’গ্ৰাম হেৰ’ইন আৰু ৩.১১৪কিল’গ্ৰাম ভাং জব্দ কৰে। ড্ৰাগছ সৰবৰাহৰ লগত জড়িত থকাৰ অভিযোগত মহিলাসহ তিনিজন লোকক আটক কৰে আৰক্ষীয়ে। আটকাধীন ব্যক্তি দুজন হৈছে দিলোৱাৰ হুছেইন(৫০)আৰু দিলোৱাৰ হুছেইনৰ দুই পত্নী ক্ৰমে সাজিদা বেগম (৩৭) আৰু চুলেমা খাতুন(২৬)। উল্লেখ্য যে ইতিমধ্যে আৰক্ষীয়ে তিনিওজনৰ বিৰুদ্ধে এক গোচৰ ৰুজু কৰি গ্ৰেপ্তাৰ কৰা বুলি জানিব পৰা গৈছে।