পল্টনবজাৰ আৰক্ষী থানাৰ এগৰাকী মহিলা আৰক্ষী সন্ধানহীন হৈছে ৷ প্ৰাপ্ত তথ্য অনুসৰি সন্ধানহীন হোৱা মহিলা কনিষ্টবল গৰাকী হৈছে গায়ত্ৰী হাজৰিকা ৷ সন্ধানহীন গায়ত্ৰী হাজৰিকাৰ ঘৰ নগাঁওৰ বঢ়মপুৰত ৷
প্ৰাপ্ত তথ্য অনুসৰি গায়ত্ৰীৰ চশমা, মোবাইল ফোন আৰু চেন্দেল শৰাইঘাট দলঙৰ পৰা উদ্ধাৰ কৰা হৈছে ৷ যাৰ ফলত মহিলা কনিষ্টবল গৰাকীয়ে ব্ৰহ্মপুত্ৰত জাপঁ দিয়াৰ সন্দেহ কৰা হৈছে ৷ ইতিমধ্যে ব্ৰহ্মপুত্ৰত উদ্ধাৰ অভিযান আৰম্ভ কৰা হৈছে ৷
জানিব পৰা মতে শিলসাঁকো বিলৰ উচ্চেদ অভিযানত নিয়োজিত হৈ আছিল ৷ শিলসাঁকোত উচ্চেদ কৰি তেওঁ সন্তুষ্ট নাছিল ৷ যাৰ বাবে মহিলা কনিষ্টবল গৰাকী সন্ধানহীন হোৱা কার্যই ৰহস্যৰ সৃষ্টি হৈছে ৷
