মহানগৰ আৰক্ষীৰ সাফল্য ৷ মহানগৰ আৰক্ষীৰ অভিযানত গ্ৰেপ্তাৰ হৈছে এটা দুধর্ষ চিলনী চোৰৰ গেং ৷ হাতীগাওঁ আৰু বশিষ্ঠ আৰক্ষীৰ যৌথ অভিযানত জালত পৰিছে ৫ জন চিলনী চোৰ ৷ আৰক্ষীৰ জালত পৰা চিলনী চোৰ কেইজন হৈছে অনুপ টিমুং,বিশ্বজিৎ টিমুং,বিশ্বজিৎ ৰামচিয়াৰী, কনক বড়ো আৰু অর্জুন চমুৱা ৷ চোৰ কেইজনৰ পৰা জব্দ কৰা হৈছে চাৰিখন স্কূটী ৷
উল্লেখ্য যে শেহতীয়াকৈ মহানগৰীত চিলনী চোৰৰ উপদ্ৰৱ বৃদ্ধি পাইছে ৷ বিশেষকৈ চিলনী চোৰৰ গেঙে বৃদ্ধ মহিলাক লক্ষ্য কৰি লৈছে ৷ বিভিন্ন কামত ঘৰৰ বাহিৰলৈ ওলাই অহা মহিলাৰ ডিঙিৰ চেইন টানি নি একপ্ৰকাৰ মহানগৰীত চিলনী চোৰে সন্ত্ৰাসৰ সৃষ্টি কৰিছে ৷ শেহতীয়াকৈ মহানগৰীৰ ভিন্ন প্ৰান্তত কেইবাটাও চেইন টানি নিয়া ঘটনা সংঘটিত হৈছে ৷ যাৰ ফলত মহানগৰ আৰক্ষীৰ ভূমিকাক লৈ প্ৰশ্ন উত্থাপন হৈছিল ৷
