বৰপেটাত বুধবাৰে নিশা এক ভয়াৱহ পথ দুৰ্ঘটনা সংঘটিত হয়। এখন তীব্ৰবেগী ডাম্পাৰ আৰু চাৰিচকীয়া বাহনৰ মাজত সংঘর্ষ হয় ৷এই দুৰ্ঘটনাত দুজন লোক নিহত হোৱাৰ লগতে আন তিনিজন লোক গুৰুতৰভাৱে আহত হয়।নিহত যুৱক যুৱক দুজন ঋতুমনি ৰয় আৰু নিৰ্মল দাস বুলি জানিব পৰা গৈছে। আনহাতে, গুৰুতৰভাৱে আহত যুৱক তিনিজন হৈছে জিতুমনি ৰয়, দ্বীপজ্যোতি ৰয় আৰু জুয়েল জ্যোতি ৰয় ৷
এই আটাইকেইজন যুৱক সৰভোগৰ বাসিন্দা ৷ আহত যুৱককেইজনক প্ৰথমে বৰপেটা ৰোড চৰকাৰী চিকিৎসালয়ত ভৰ্তি কৰোৱা হৈছিল। কিন্তু আটাইকে অতি সংকটজনক অৱস্থাত উন্নত চিকিৎসাৰ বাবে বৰপেটা চিকিৎসা মহাবিদ্যালয় হাস্পতাললৈ প্ৰেৰণ কৰা হয় ৷
জানিব পৰা মতে বুধবাৰে নিশা প্ৰায় ১২ বজাত বৰপেটা ৰোডৰ ২৭ নং ৰাষ্ট্ৰীয় ঘাইপথত এই পথ দুৰ্ঘটনা সংঘটিত হয় ৷ গুৱাহাটীৰ পৰা সৰভোগ অভিমুখে গৈ আছিল চাৰিচকীয়া বাহনখন ৷ বৰপেটা ৰোডৰ পৰা হাউলি অভিমুখে আহি আছিল ডাম্পাৰ বাহনখন ৷ সেই সময়ত ডাম্পাৰখনে চাৰিচকীয়া বাহনখনক মহতিয়াই নিয়ে ৷
