যোৰহাটৰ ৰাজপথত সন্ত্ৰাসৰ সৃষ্টি কৰা দুই দুর্বৃত্তক কৰায়ত্ব কৰিছে পুলিবৰ আৰক্ষীয়ে ৷ ট্ৰাকচালকসকলক পুতলা পিস্তলা দেখুৱাই দীর্ঘদিন ধৰি লুটপাত চলায় আহিছিল দুই দুর্বৃত্তই ৷ ধৃত দুই যুৱক ৰক্তিম দাস আৰু মানস প্ৰতীম দাস বুলি জানিব পৰা গৈছে ৷
উল্লেখ্য যে দীর্ঘদিন ধৰি মালবাহী ট্ৰাকচালকসকলে আৰক্ষীক যোৰহাটৰ ৰাজপথত সংঘটিত হৈ অহা ঘটনাৰ বিষয়ে অৱগত কৰি আহিছিল ৷ দুই যুৱকে সঘনাই ট্ৰাকচালকসকলক পিস্তল দেখুৱাই ধনৰ লগতে বিভিন্ন সা-সামগ্ৰী লুট কৰি লৈ গৈছিল ৷ কালি বিশেষ সূত্ৰৰ ভিত্তিত আৰক্ষীয়ে অভিযান চলাইছিল ৷ সেই সময়তে দুয়োৱে পিষ্টল দুটা হাবিলৈ দলিয়াই দিয়ে ৷ পৰৱর্তী সময়ত আৰক্ষীয়ে উদ্ধাৰ কৰে ৷ কিন্তু উদ্ধাৰৰ পাছতহে পোহৰলৈ আহিছে যে তেওঁলোকে ব্যৱহাৰ কৰা পিষ্টল দুটা প্ৰকৃতার্থত পুতলা পিষ্টলহে ৷
