অসম আৰক্ষীৰ নতুন নিযুক্তিৰ বাবে বিজ্ঞাপন প্ৰকাশ কৰা হৈছে ৷ যোৱা ৬ অক্টোবৰত ৫ সহস্ৰাধিক পদৰ বাবে অসম আৰক্ষীয়ে বিজ্ঞাপন প্ৰকাশ কৰিছে ৷ কিন্তু এইক্ষেত্ৰত আজি কিছু সালসলনি কৰা হৈছে ৷ এপিআৰঅ’ৰ উপ-পৰিদর্শক পদৰ বাবে বয়সৰ উর্ধসীমা বৃদ্ধি কৰা হৈছে ৷
নতুন জাননী আনুসৰি ২৬ বছৰ বয়সলৈ প্ৰার্থীসকলে এই পদত আৱেদন কৰিব পাৰিব ৷ পূর্বে এই পদৰ বাবে আৱেদনৰ উর্ধসীমা আছিল ২৪ বছৰ ৷ ইয়াৰ আৱেদনৰ ন্যূনতম বয়স হৈছে ২০ বছৰ ৷ ২০২৩ বর্ষৰ ১ জানুৱাৰীলৈ ২০ ৰ পৰা ২৬ বছৰৰ ভিতৰৰ প্ৰার্থীসকলে পদসমূহৰ বাবে আৱেদন দাখিল কৰিব ৷ বয়সৰ উর্ধসীমা বৃদ্ধিত অনুমোদন দিছে ৰাজ্যৰ গৃহ বিভাগে ৷
