শিৱসাগৰৰ ৰাষ্ট্ৰীয় ঘাইপথত সংঘটিত হৈছে চাঞ্চল্যকৰ ঘটনা ৷ জিলাখনৰ দিচাং মাজগাঁৱৰ ৩৭ নং ৰাষ্ট্ৰীয় ঘাইপথত পুৱতি নিশা এজন যুৱক-এগৰাকী কিশোৰীৰ মৃতদেহ উদ্ধাৰ হৈছে। তেজেৰে লুতুৰি-পুতুৰি অৱস্থাত ৰাষ্ট্ৰীয় ঘাইপথৰ কাষত মৃতদেহ দুটা প্ৰত্যক্ষ কৰে স্থানীয় লোকে ৷ মৃত যুৱকজন ২২ বছৰীয়া পলাশ গগৈ আৰু কিশোৰীগৰাকী ১৬ বছৰীয়া লাকী মেচ বুলি জানিব পৰা গৈছে।
মৃতদেহ দুটাৰ কাষত এখন বাইক পৰি আছিল। প্ৰাৰম্ভিক তদন্তত যানবাহন আৰক্ষীয়ে অন্য বাহনৰ খুন্দাত যুৱক-যুৱতীহাল নিহত হোৱাৰ সন্দেহ কৰিছে।
নিহত পলাশ গগৈৰ ঘৰ ডিমৌ জীয়ামাৰিত আৰু লাকী মেচৰ ঘৰ ডিমৌ কচাৰী পথাৰত। কি কাৰণত দুয়ো নিশা ঘৰৰ পৰা ওলাই আহিছিল সেয়া এতিয়াও জানিব পৰা হোৱা নাই ৷ আৰক্ষীৰ তদন্ততহে সেই তথ্য পোহৰলৈ অহাৰ সম্ভাৱনা আছে ৷
