গুৱাহাটীত পুনৰ দিন ডকাইতিৰ ঘটনা সংঘটিত হৈছে ৷ ছয়মাইলত সংঘটিত হৈছে এই ঘটনা ৷ প্ৰাপ্ত তথ্য অনুসৰি ছয়মাইলত ৰখাই থোৱা এখন গাড়ীৰ পৰা দুবৃত্তই লৈ যায় দুই লাখ টকা ৷ দুর্বৃত্তই বাহনখনৰ সন্মুখৰ দর্জাৰ গ্লাছ ভাঙি তাত থকা দুই লাখ টকা লৈ যায় ৷ দুপৰীয়াৰ ভাগতে সংঘটিত হৈছে এই ঘটনা ৷
স্বাভাৱিকতে এই ঘটনাই জনসাধাৰণৰ মাজত তীব্ৰ প্ৰতিক্ৰিয়াৰ সৃষ্টি কৰিছে ৷ লগতে সাধাৰণ ৰাইজৰ সুৰক্ষাৰ বিষয়টোক লৈয়ো প্ৰশ্ন উত্থাপন হৈছে ৷ আৰক্ষী-নিৰাপত্তাৰক্ষীয়ে গিজগিজাই থকা মহানগৰীত দিন দুপৰতে কিদৰে ৰাখি থোৱা বাহনৰ পৰা ধন লুটি নিবলৈ সক্ষম হ’ল ? গুৱাহাটীত ক্ৰমাৎ আইন-শৃংখলা পৰিস্থিতিৰ অৱনতি ঘটিছে নেকি বুলিও চর্চা আৰম্ভ হৈছে ৷
